ৰাহুল-প্ৰিয়ংকাৰ সম্পৰ্ক তিক্ত কৰাত ব্ৰতী বিজেপি; ৰাহুল গান্ধীৰ বাবে কোনে দিব প্ৰাণাহুতি

ডিজিটেল ডেস্কঃ ভাৰতত চলা পৰিৱৰ্তনৰ পছোৱা বতাহজাকে স্পৰ্শ কৰিছে ভাৰতীয়ৰ মন-মগজু৷মুল্যবৃদ্ধি,দুৰ্নীতি আৰু সামাজিক অস্থিৰতাৰ কলীয়া ডাৱৰৰ মাজত আশাৰ চাকি হিচাপে প্ৰস্ফুটিত হৈছে ৰাহুল গান্ধী আৰু প্ৰিয়ংকা গান্ধী৷

ভাৰত জোড়ো যাত্ৰাৰ পাছত দেশৰ বহু প্ৰান্তত বৃদ্ধি পাইছে ৰাহুল গান্ধীৰ জনপ্ৰিয়তা৷সাংসদ পদ ঘূৰাই পোৱাৰ পাছত গান্ধীৰ সামাজিক মাধ্যমতো যথেষ্ট জনপ্ৰিয়তা বৃদ্ধি পায়৷গত সময়চোৱাত দেশৰ শোষিত জনগণৰ কাষত ৰাহুলৰ সমান্তৰালভাৱে দেখা পোৱা গৈছিল প্ৰিয়ংকা গান্ধীক৷উল্লেখ্য যে প্ৰিয়ংকা গান্ধী আৰু ৰাহুলে শৈশৱৰ পৰাই যথেষ্ট আবেগিক পৰিবেশৰ সন্মুখীন হৈছিল৷আইতাক আৰু পিতৃৰ নিধনৰ পাছত মাতৃৰ অকাল বৈধব্য স্বচক্ষে প্ৰত্যক্ষ কৰিছিল৷

শেহতীয়াকৈ ছোনিয়া দুহিতা আৰু তনয়ৰ প্ৰসংগই দেশত তুমুল ৰাজনৈতিক দ্বন্দ্বৰ অৱতাৰণা কৰিছে৷টুইটাৰযোগে শাসিত ভাৰতীয় জনতা পাৰ্টীয়ে ৰাহুল-প্ৰিয়ংকাৰ মধুৰ সম্পৰ্কত তিক্ততা অহা বুলি দাবী কৰিছিল৷কিন্তু ইয়াকে লৈ দেশত সৃষ্টি হৈছে বহু প্ৰতিক্ৰিয়াৰ৷কাৰণ ৰাহুল-প্ৰিয়ংকা দুয়োৱে এক সৌহাৰ্দ্যপূৰ্ণ সম্পৰ্ক বজাই ৰাখিছে,খাদ্য জুতি লোৱাৰ পৰা ৰাজহুৱা সভালৈকে দুয়োৱে হাস্যবদনে সময় কটায়,তাৰ পাছত কোনোৱে বিজেপিৰ এই প্ৰপাগেণ্ডা সহজভাবে ল’ব পৰা নাই৷

বিজেপিৰ যে এই প্ৰচাৰ ভুৱা সেয়া শেহতীয়াকৈ প্ৰিয়ংকা গান্ধীৰ এক ভিডিঅ’ই প্ৰতিপন্ন কৰিছে৷য’ত প্ৰিয়ংকা গান্ধীয়ে ৰাহুলৰ বাবে নিজ প্ৰাণ দিয়াৰ ক্ষেত্ৰতো ভ্ৰূক্ষেপ নকৰাৰ কথা প্ৰকাশ কৰিছে৷তদুপৰি প্ৰিয়ংকাৰ ওপৰত বিপদ আহিলেও ৰাহুল যে সদাসষ্টম সেই কথা প্ৰকাশ কৰে৷