ডিজিটেল ডেস্কঃ ডাৰবানত চলি থকা আন্তঃৰাষ্ট্ৰীয় ক্ৰিকেট পৰিষদৰ আই চি চি বাৰ্ষিক সন্মিলনত মহিলা আৰু পুৰুষৰ আই চি চি ইভেণ্টৰ সন্দৰ্ভত এটা ডাঙৰ সিদ্ধান্ত লোৱা হৈছে। মহিলা ক্ৰিকেটক নতুন গতি প্ৰদানৰ স্বাৰ্থত আইচিচিয়ে এতিয়া মহিলাৰ ইভেণ্টতো পুৰুষৰ ইভেণ্টত পোৱা পুৰস্কাৰৰ ধনৰ দৰেই পুৰস্কাৰ ধন দিয়াৰ সিদ্ধান্ত লৈছে। ভাৰতীয় ক্ৰিকেট নিয়ন্ত্ৰণ ব’ৰ্ডৰ সম্পাদক জয় শ্বাহে আইচিচিৰ এই সিদ্ধান্তক লৈ টুইট কৰি সুখ প্ৰকাশ কৰিছে।
এতিয়ালৈকে আইচিচিৰ ইভেণ্টত পুৰুষৰ তুলনাত মহিলাসকলে একেধৰণৰ পুৰস্কাৰৰ ধন লাভ কৰা নাছিল। এতিয়া ২০৩০ চনৰ ভিতৰত এই ধাৰণাটো্ ইউনিফৰ্ম কৰা হ’ব। এতিয়া এদিনীয়া, টি-২০ আৰু অন্যান্য আইচিচি প্ৰতিযোগিতা যিবোৰ পুৰুষ আৰু মহিলাৰ মাজত খেলা হয়, সেইবোৰত একে পুৰস্কাৰৰ ধনৰ পৰিমাণ দেখা যাব।
এই ঐতিহাসিক সিদ্ধান্ত সন্দৰ্ভত বি চি চি আইৰ সম্পাদক জয় শ্বাহে টুইট কৰি সুখ প্ৰকাশ কৰি কয় যে “এই সিদ্ধান্তক লৈ মই অতি সুখী, এতিয়া পুৰুষ-মহিলাৰ দলৰ মাজত থকা বৈষম্য সম্পূৰ্ণৰূপে বিলুপ্ত হৈছে। দুয়োসমূহ দলে এতিয়া একেলগে আগবাঢ়ি যাব পাৰিব। এই সিদ্ধান্ত সন্দৰ্ভত ব’ৰ্ডৰ লগত জড়িত সকলো সদস্যকে ধন্যবাদ জনাইছো।”
Continue Reading
