ডিজিটেল ডেস্কঃ বৃদ্ধ বয়সতো ঈশান্ত শৰ্মাক ভাল খেলা দেখা গৈছে। দিল্লী কেপিটেলছৰ হৈ যোৱা দুখন মেচত তেওঁ ভাল বলিং কৰিছে। তেওঁ বিৰাট কোহলী আৰু লোকেশ ৰাহুলক একেধৰণৰ বলত আউট কৰে।
লক্ষ্ণৌ ছুপাৰ জায়েন্টছৰ বিৰুদ্ধে ৩৪ ৰানেৰে ৩টা উইকেট দখল কৰে। মেচখনৰ অন্তত ঈশান্তই নিজৰ নতুন বলিঙ ষ্টাইলৰ কথা মুকলিকৈ ক’লে। তেওঁ কয়, ‘যোৱা কেইখনমান মেচত মই নাকলবল খেলিবলৈ চেষ্টা কৰিছিলো। কিন্তু সেয়া হৈ উঠা নাছিল। ঋষভ (পন্থ) আৰু অক্ষৰে (পেটেল) মোক ঠাট্টা কৰি আছিল। নাকলবল খেলিবলৈ চেষ্টা নকৰিবলৈ কৈ আছিল। গতিকে নতুন কিবা এটা কৰিবলৈ চেষ্টা কৰিলোঁ। ই কাম কৰিলে।"
দীৰ্ঘদিন ধৰি আঘাতপ্ৰাপ্ত ঈশান্ত। ফলত ৩৫ বছৰ বয়সতো তেওঁ জাতীয় দলত বিশেষ সুযোগ নাপায়। যদিও আই পি এলত খেলি আছে। তাৰ বাবে ইশান্তই টিম ফিজিঅ’ পেট্ৰিক ফাৰহাৰ্টক প্ৰশংসা কৰে। তেওঁ কয়, “মই ভৱিষ্যতৰ কথা বেছি নাভাবো। মই এটা এটাকৈ মেচত আগবাঢ়িব বিচাৰো। পেট্ৰিকলৈ বহুত বহুত ধন্যবাদ। মোৰ পিছফালে বহু সময় কটায়। সেইবাবেই মই ৯খন মেচ খেলিব পাৰিলোঁ।"
Continue Reading
