ডিজিটেল ডেস্কঃ সুনীল নাৰিনৰ মুখৰ ভাব প্ৰায় সদায় একেই। খেলপথাৰত তেওঁক হাঁহি থকা দেখা নাযায়। কলকাতা নাইট ৰাইডাৰ্ছৰ অল-ৰাউণ্ডাৰগৰাকীৰ এনে প্ৰকাশক লৈ ক্ৰিকেটপ্ৰেমীৰ জল্পনা-কল্পনাৰ অন্ত নাই। কিয় ইমান গম্ভীৰ নাৰিন?
নাৰিনৰ ঘনিষ্ঠ বন্ধু তথা কেকেআৰৰ আন এজন কেৰিবিয়ান অল-ৰাউণ্ডাৰ আন্দ্ৰে ৰাছেলে কয়, ‘নাৰিনৰ ৫০০খন মেচ খেলা হৈছে। ইমানবোৰ মেচ খেলি এজন ব্যক্তিয়ে সহজে উত্তেজিত নহয়। নাৰিনৰ ক্ষেত্ৰতো একেই কথা।’’
কেকেআৰৰ যুৱ বেটছমেন ৰঘুবংশীয়ে ৰাছেলৰ যুক্তি মানি ল’বলৈ অস্বীকাৰ কৰে। তেওঁ ক’লে- ''ড্ৰেছিং ৰুমত নৰায়নে বহুত হাঁহি ধেমালি কৰে। ডাগআউটত নাৰিনে বহুত হাঁহিছে। আমাক ধেমেলীয়া কৌতুক কয়। কেৱল পথাৰখন অলপ নিস্তব্ধ হৈ থাকে। সেইটোৱেই সকলোৱে দেখে। আমাৰ বাবে নাৰিন এক কিংবদন্তি। এজন ডাঙৰ বেটছমেন আৰু এজন ডাঙৰ বলাৰ।''
Continue Reading
