ডিজিটেল ডেস্কঃ দীৰ্ঘদিন ধৰি আই পি এলত খেলি আহিছে। বুধবাৰে তেওঁ আই পি এলৰ ১৫০ সংখ্যক মেচ খেলিছে। সেই মেচত এক অভিলেখ গঢ়িবলৈ উলাইছে যুজবেন্দ্ৰ চাহাল। আন কোনো বলাৰৰ এনে নজিৰ নাই। প্ৰথম ভাৰতীয় হিচাপে সেই নজিৰ গঢ়ি তুলিব পাৰে চাহালে।
৩৩ বছৰীয়া স্পিনাৰগৰাকীয়ে পূৰ্বেও মুম্বাই ইণ্ডিয়ানছ আৰু বেংগালুৰুৰ হৈ খেলিছিল। বিগত তিনি বছৰ ধৰি ৰাজস্থান ৰয়েলছৰ সদস্য হৈ আছে। বুধবাৰে যদি তেওঁ আৰু ৫টা উইকেট লয় তেন্তে তেওঁ আই পি এলত ২০০ উইকেট দখল কৰা প্ৰথমজন বলাৰ হিচাপে পৰিগণিত হ’ব। আন কোনো বলাৰৰ এই নজিৰ নাই।
এই পৰ্যন্ত চাহালে ১৪৯ খন মেচত ১৯৫ টা উইকেট দখল কৰিছে। ইয়াৰে অধিকাংশই বাংগালুৰু হৈ। বিৰাট কোহলীৰ দলৰ সময়ত তেওঁ ১১৩খন মেচত ১৩৯টা উইকেট দখল কৰে। ৰাজস্থানৰ হৈ ৩৫খন মেচত ৫৬টা উইকেট দখল কৰে। ৰোহিত শৰ্মাৰ নেতৃত্বত তেওঁ মুম্বাইৰ হৈ মাত্ৰ এখন মেচ খেলিছিল। সেই মেচত তেওঁ ৩৪ ৰান দিছিল যদিও এটা উইকেট নাপালে।
Continue Reading
