ডিজিটেল ডেস্কঃ যোৱা বছৰ আই পি এলত গুজৰাট টাইটানছৰ বিৰুদ্ধে বেটেৰে দৃষ্টি আকৰ্ষণ কৰিছিল ৰিংকু সিঙে। তেতিয়াৰ পৰাই কেকেআৰৰ বেটছমেনগৰাকী শ্বাহৰুখ খানৰ অন্যতম প্ৰিয় হিচাপে পৰিগণিত হৈছে। উত্তৰ প্ৰদেশৰ নিম্ন শ্ৰেণীৰ পৰিয়ালৰ পৰা অহা ক্ৰিকেটাৰগৰাকীৰ কাষত থিয় দিবলৈ চেষ্টা কৰিলে বলীউডৰ ৰজাই।
শনিবাৰে খেলৰ অন্তত শ্বাহৰুখে ৰিংকুক এটা অনুৰোধ জনায়। ৰিংকুৱেও বলিউডৰ তাৰকাগৰাকীৰ এই ইচ্ছা পূৰণ কৰাৰ অংগীকাৰ কৰে।
শনিবাৰে ছানৰাইজাৰ্ছ হায়দৰাবাদৰ বিৰুদ্ধে জয়লাভ কৰাৰ পিছত ছ’চিয়েল মিডিয়াত এটা পোষ্ট কৰে ৰিংকুৱে। সেই ছবিখনত শ্বাহৰুখক ৰিংকুৰ পৰিয়ালৰ সদস্যৰ সৈতে দেখা গৈছে। ৰিংকুৰ দেউতাক আৰু মাকৰ বাহিৰেও এগৰাকী ভনীয়েক আছে। কেকেআৰৰ বেটছমেনে কয় যে শ্বাহৰুখ ছাৰে মাক-দেউতাকে খেল চাবলৈ ইডেনলৈ অহা বুলি শুনি লগ কৰিব বিচাৰে।
যোৱা বছৰ আই পি এলত গুজৰাটৰ বিৰুদ্ধে সেই দূৰ্দান্ত ইনিংছৰ পিছত শ্বাহৰুখে ৰিংকুক ফোন কৰে। সেইবাৰ বলীউডৰ ৰজাই ৰিংকুৰ বিয়াত নাচিব বুলি প্ৰতিশ্ৰুতি দিছিল। ৰিংকুৱে ক'লে, "শ্বাহৰুখ ছাৰে মোক ফোন কৰিছিল। মোৰ বিয়াৰ কথা তেওঁ সোধা-পোছা কৰে। তেওঁ মোক ক’লে, ‘বহুতে মোক তেওঁলোকৰ বিয়ালৈ যাবলৈ কয়। মই ক'লৈকো নাযাওঁ কিন্তু মই তোমাৰ বিয়াত নাচিবলৈ আহিম।''
Continue Reading
