ডিজিটেল ডেস্কঃ শনিবাৰৰ ইডেন গাৰ্ডেনছত পৰাক্ৰম দেখুৱায় আন্দ্ৰে ৰাছেলে। ৰাছেলে ২৫ বলত ৬৪ ৰান আৰু বলৰ সৈতে দুটা উইকেটৰ সহায়ত হায়দৰাবাদৰ বিৰুদ্ধে কলকাতাই জয়লাভ কৰাত সহায় কৰে। অল ৰাউণ্ডাৰজনে বেটিং কৰাৰ সময়ত কেইবাটাও নজিৰ গঢ়ি তুলিছিল।
ৰাছেলে তিনিটা চাৰি আৰু ৭টা ছয়ৰ সহায়ত ৬৪ ৰান সংগ্ৰহ কৰে। আই পি এলৰ ইতিহাসৰ সৰ্বাধিক দ্ৰুত বেটছমেন হিচাপে ৰাছেলে ২০০টা ছয় কৰাৰ অভিলেখ গঢ়িবলৈ সক্ষম হৈছে। তেওঁ ১৩২২টা বলত ২০০ টা ছয় কৰে। ক্ৰীছ গেইলৰ অভিলেখ ভংগ হ’ল। ১৮১১টা বলত ২০০টা ছয় কৰে গেইলে। লগতে ৰাছেলে আই পি এলৰ ইতিহাসত ২০০ ছয় কৰা নৱমজন ক্ৰিকেটাৰ হিচাপে পৰিগণিত হয়।
ইয়াৰ উপৰিও ৰাছেলে ৰিংকু সিঙৰ সৈতে সপ্তম উইকেটৰ বাবে ৮১ ৰান সংযোজন কৰে। কেকেআৰৰ সপ্তম উইকেটত ইমান ৰান সংগ্ৰহ কৰিবলৈ সক্ষম হৈছে। এই যুটিটোৱে আই পি এলৰ ইতিহাসত পঞ্চম স্থানত আছে।
মেচৰ পিছত নিজৰ প্ৰদৰ্শনৰ বিষয়ে কোৱাৰ সময়ত ৰাছেলে কয়, ‘যোৱা দুবছৰ ধৰি বলাৰসকলে মোৰ বিৰুদ্ধে ভাল পৰিকল্পনা কৰিছিল। মোক কেনেকৈ ৰখাব পাৰি সি পৰিকল্পনা কৰি আছিল। সেইবাবেই পৰিকল্পনা কৰিবলগীয়া হ’ল। মোৰ শ্বটৰ সৈতে খেলিলোঁ। গতিকে এইবাৰ মই ভাল খেলিছো।"
Continue Reading
