ডিজিটেল ডেস্কঃ আই পি এলৰ বাবে সাজু হৈছে ৰিংকু সিং। কলকাতা নাইট ৰাইডাৰ্ছ শিবিৰত অনুশীলন কৰি আছে। অনুশীলনৰ সময়ত সংঘটিত হয় এক ঘটনা। ৰিংকুৱে ছয় মাৰে আৰু এটা বল বয়ৰ কপালত খুন্দা মাৰে। লগে লগে বল বয়ৰ ওচৰলৈ যায় ৰিংকু। ল’ৰাটোৰ ওচৰত ক্ষমা বিচাৰে। লগতে তেওঁক চহী কৰা কে কে আৰ কেপ উপহাৰ দিয়ে।
এই ঘটনাৰ ভিডিঅ’ মুকলি কৰিলে কেকেআৰে। তাত দেখা যায়, ৰিংকুৱে ছয় মাৰে। সেই বলটো গৈ ল’ৰাটোৰ কপালত খুন্দা মাৰে। এজন ব্যক্তিয়ে ল’ৰাটোক লৈ আহিছিল। ৰিংকুৱে ক্ষমা খোজে। কেকেআৰৰ সহকাৰী প্ৰশিক্ষক অভিষেক নাইৰ টুপীটো খুলি ল’ৰাটোৰ মূৰত পিন্ধাই দিলে। ৰিংকুৱে ল’ৰাটোক সুধিলে আৰু কিবা লাগে নেকি। ল’ৰাটোৱে আটোগ্ৰাফ দিবলৈ কয়। ৰিংকুৱে টুপীটোত চহী কৰিলে। নাইৰেও চহী কৰিলে।
২২ মাৰ্চৰ পৰা আৰম্ভ হ’ব এইবাৰৰ আই পি এল। যোৱাবাৰৰ দৰেই ফৰ্মত খেলিব বিচাৰিছে ৰিংকুৱে। কাৰণ, টি-২০ বিশ্বকাপ আই পি এলৰ পিছত। তাৰ প্ৰস্তুতি শেষ কৰিব খোজে। ২৩ মাৰ্চত প্ৰথমখন মেচ খেলিব কেকেআৰে। প্ৰতিদ্বন্দ্বী ছানৰাইজাৰ্ছ হায়দৰাবাদ।
Continue Reading
