ডিজিটেল ডেস্কঃ চলিত আইপিএলত চৰ্চা লাভ কৰিছে শ্ৰীলংকাৰ এগৰাকী উদীয়মান মিডিয়াম ফাষ্ট বলাৰে৷ তেওঁৰ বলিং একচনলৈ লক্ষ্য কৰি ‘বেবী মালিংগা’ আখ্যাও দিয়া হৈছে৷ আজি মুম্বাই ইণ্ডিয়ানছৰ বিৰুদ্ধে চেন্নাই ছুপাৰ কিংছৰ বিজয়ৰ মূলতে হৈছে এইগৰাকী বেবী মালিংগা৷
নাম তেওঁৰ মাথীছা পাথিৰানা৷ মুম্বাই ইণ্ডিয়ানছৰ বিৰুদ্ধে তেওঁ ৪ অভাৰত মাত্ৰ ১৫ ৰান দি তিনিটাকৈ উইকেট দখল কৰে। ১২ ডট বলো দিবলৈ সক্ষম হয় মাথীছাই৷
পাথিৰানা এগৰাকী শ্ৰীলংকাৰ ক্ৰিকেটাৰ। ২০২২ চনত আই পি এলত অভিষেক ঘটোৱা ২০ বছৰীয়া বলাৰগৰাকীক প্ৰাক্তন কিংবদন্তি লাসীথ মালিংগাৰ সৈতে তুলনা কৰা হয়।
২০২১ চনৰ পৰা তেওঁ শ্ৰীলংকান টি২০ লীগত খেলি আহিছে৷ ২০২০ চনৰ ১৯ বছৰ অনুৰ্ধ ক্ৰিকেট বিশ্বকাপতো শ্ৰীলংকাৰ দলৰ অংশ আছিল। ২০২২ চনৰ জানুৱাৰী মাহত ৱেষ্ট ইণ্ডিজত অনুষ্ঠিত হোৱা ২০২২ চনৰ আই চি চি অনূৰ্ধ্ব-১৯ ক্ৰিকেট বিশ্বকাপৰ বাবে শ্ৰীলংকাৰ দলত স্থান লাভ কৰে।
২০২২ চনৰ এপ্ৰিল মাহত চি এছ কেয়ে তেওঁক আই পি এলৰ বাবে এডাম মিলনেৰ সলনি চুক্তিবদ্ধ কৰে। ২০২৩ চনৰ মাৰ্চ মাহত নিউজিলেণ্ডৰ বিৰুদ্ধে খেলা শৃংখলাৰ বাবে তেওঁ এদিনীয়া আৰু টি-২০ আন্তঃৰাষ্ট্ৰীয় দুয়োটা দলতে স্থান লাভ কৰে।
Continue Reading
