ডিজিটেল ডেস্কঃ ছন্দ হেৰাল ৰোহিত শৰ্মাৰ৷ শেহতীয়াকৈ আইপিএলত পঞ্জাৱ কিংছৰপিছত চেন্নাই ছুপাৰ কিংছৰ বিৰুদ্ধেও কোনো ৰান নোহোৱাকৈ আউট হয় মুম্বাই ইণ্ডিয়ানছৰ অধিনায়কগৰাকী। আজি চেন্নাই ছুপাৰ কিংছৰ বিৰুদ্ধে খেলপথাৰত নামি শূণ্য ৰাণত আউট হৈয়েই তেওঁ আই পি এলত লজ্জাজনক অভিলেখ গঢ়ে৷
শনিবাৰে চেন্নাইৰ বিৰুদ্ধে কোনো ৰান কৰিব নোৱাৰিলে তেওঁ। ইয়াৰ লগে লগে ভাৰতীয় দলৰ অধিনায়কগৰাকীয়ে আই পি এলত ১৬ বাৰৰ বাবে কোনো ৰাণ নকৰাকৈয়ে আউট হয়।
তিনি নম্বৰ স্থানত বেটিং কৰিবলৈ আহি তিনিটা বল খেলাৰ পাছতে তেওঁ খালী হাতেৰে ড্ৰেছিং ৰুমলৈ উভতি যাব লগা হয়। এই পৰ্যন্ত চলিত আই পি এলত ১০খন মেচত মাত্ৰ ১৮৪ ৰান সংগ্ৰহ কৰিছে ৰোহিতে। অৰ্জন কৰিছে মাত্ৰ এটা অৰ্ধশতক।
এতিয়ালৈকে আইপিএলত শূন্য ৰাণত আউট হোৱাৰ অভিলেখ আছিল তিনিজন ক্ৰিকেটাৰ। তেওঁলোক হৈছে- সুনীল নাৰিন, দীনেশ কাৰ্তিক আৰু মনদ্বীপ সিং। আই পি এলত ১৫ বাৰ শূন্য ৰাণত আউট হৈছে এওঁলোক৷ শনিবাৰে তেওঁলোকক অতিক্ৰম কৰিলে ৰোহিতে।
Continue Reading
