ডিজিটেল ডেস্ক : দিল্লীৰ পৰা ৱাশ্বিংটন ডি চিলৈ যোৱা বিমানখন বন্ধ কৰাৰ সিদ্ধান্ত লৈছে এয়াৰ ইণ্ডিয়াই। অহা ১ ছেপ্টেম্বৰৰ পৰা এই সেৱা বন্ধ হ’ব।
আচলতে এয়াৰ ইণ্ডিয়াৰ এই সিদ্ধান্তৰ আঁৰত দুটা কাৰণ আছে। এয়াৰ ইণ্ডিয়াৰ ২৬খন বয়িং ৭৮৭-৮ বিমানত উন্নীতকৰণৰ কাম চলি আছে, যাৰ বাবে বহু বিমান দীৰ্ঘদিনলৈ উৰণৰ বাবে উপলব্ধ নহ’ব। এই কাম ২০২৬ চনৰ শেষলৈকে চলি থাকিব।
একে সময়তে পাকিস্তানৰ আকাশমাৰ্গ বন্ধ হৈ আছে, যাৰ বাবে দীৰ্ঘ দূৰত্বৰ বিমান সেৱাত সমস্যাৰ সৃষ্টি হৈছে। ২০২৫ চনৰ ১ ছেপ্টেম্বৰৰ পিছত বুকিং কৰা যাত্ৰীসকলৰ সৈতে যোগাযোগ কৰা হ’ব আৰু তেওঁলোকক দুটা বিকল্প দিয়া হ’ব। আন এখন বিমানত বুকিং কৰাৰ বিকল্প থাকিব আৰু লগতে সম্পূৰ্ণ ধন ঘূৰাই পাব।
অৱশ্যে যাত্ৰীসকলে এতিয়াও জে এফ কে (নিউয়ৰ্ক, চিকাগো, বা ছান ফ্ৰান্সিস্কোৰ জৰিয়তে এয়াৰ ইণ্ডিয়াৰ আন্তঃলাইন অংশীদাৰ যেনে আলাস্কা এয়াৰলাইন্স, ইউনাইটেড এয়াৰলাইন্স, ডেল্টা এয়াৰলাইন্সৰ জৰিয়তে ৱাশ্বিংটন ডি চিলৈ উৰা মাৰিব পাৰে। এয়াৰ ইণ্ডিয়াই এতিয়াও কানাডাৰ টৰন্টো আৰু ভেংকুৱাৰকে ধৰি উত্তৰ আমেৰিকাৰ ৬খন চহৰলৈ ধাৰাবাহিকভাৱে বিমান চলাই আছে।
Continue Reading
