ডিজিটেল ডেস্কঃ মহামাৰীৰ আতংক! হাৰিয়ানাৰ গুৰুগ্ৰামৰ চক্কৰপুৰ নৈামৰ গাঁওখনৰ নিবাসী মুনমুন মাঝিতকৈ ক'ৰ'না মহামাৰীৰ ভয় কোনে ভালকৈ বুজিব পাৰে? তিনি বছৰ ধৰি নিজকে এটা কোঠাত আবদ্ধ কৰি ৰাখি তেওঁ এতিয়া ওলাই আহিছে। জানিব পৰা মতে, মুনমুনে কৰ’না হ’ব পাৰে বুলি আশংকা কৰি ১০ বছৰীয়া পুত্ৰৰ সৈতে ঘৰৰ দুৱাৰ বন্ধ কৰি সোমাই আছিল। তাৰ পিছত তিনি বছৰ পাৰ হৈ গ’ল। অৱশেষত আৰক্ষী আহি মহিলাগৰাকী আৰু তেওঁৰ পুত্ৰক উদ্ধাৰ কৰে।
২০২০ চনত যেতিয়া কৰ’নাৰ প্ৰাদুৰ্ভাৱ ভয়ংকৰ আছিল, তেতিয়া মুনমুনে নিজৰ ১০ বছৰীয়া পুত্ৰক লৈ ঘৰত প্ৰৱেশ কৰি সংক্ৰমণৰ পৰা হাত সাৰিবলৈ দুৱাৰখন বন্ধ কৰি দিছিল। সেই সময়ত স্বামী সুজনৰ লগত আছিল। দৰাচলতে সেই সময়ত আন বহুতেই এনে কাম কৰিবলৈ বাধ্য হৈছিল। ইয়াৰ পিছত ক্ৰমান্বয়ে ক’ৰ’না পাৰ হৈ গ’ল। জনজীৱন স্বাভাৱিক হৈ পৰিল। ঘৰৰ পৰা কামৰ পৰা পুনৰ পুৰণি আমেজলৈ ঘূৰি আহিছে সুজনৰ অফিচ। কিন্তু মুনমুনে পুনৰ কৰোণা হ’ব পাৰে বুলি তেতিয়াৰে পৰা বাহিৰৰ পৰা কাকো ঘৰত সোমাবলৈ নিদিয়া হ’ল।
অফিচ খোলাৰ প্ৰথম দিনা সুজন কামলৈ ওলাই গ’ল যদিও ঘৰলৈ উভতি যাব নোৱাৰিলে। পত্নীয়ে দুৱাৰ খুলি নিদিয়ে। উপায়ন্তৰ হৈ স্বামী সুজনে ঘৰ ভাড়াত ল’ব লগা হৈছে। ঘৈণীয়েকলৈ বাৰে বাৰে বিভিন্ন ধৰণে মেছেজ পঠিয়াইছিল যে কৰ'না শেষ হৈছে, সেয়ে স্বাভাৱিক জীৱনলৈ ঘূৰি আহিছে, ভয় কৰিবলগা একো নাই, কিন্তু এইবোৰ একো কামত নাহিল। সুজনে শাহুৱেক তথা মুনমুনৰ মাককো কথাটো ক’লে, তথাপিও কামত নাহিল। অৱশেষত আৰক্ষীৰ কাষ চাপিল স্বামী সুজন। পুলিচ আহি দুৱাৰখন খুলি মহিলাগৰাকী আৰু তাইৰ সন্তানক বাহিৰলৈ উলিয়াই আনিলে।
চক্কৰপুৰ আৰক্ষী থানাৰ উপ-পৰিদৰ্শক প্ৰবীণ কুমাৰে কয়- ''প্ৰথমে বিষয়টোত মই বিশেষ গুৰুত্ব দিয়া নাছিলোঁ। কিন্তু যেতিয়া মই বুজিলোঁ যে সুজন সঁচাকৈয়ে এটা অদ্ভুত সমস্যাত পৰিছে, তেতিয়া মই সকলো সহায় দিলোঁ। ভিডিঅ’ কলৰ দ্বাৰা মুনমুনক বাৰে বাৰে বুজোৱাৰ পাছতহে ই সম্ভৱ হ’ল।’’
Continue Reading
