ডিজিটেল ডেস্কঃ আজানৰ সময়ত হনুমান চালিছা লগোৱা বাবে এগৰাকী দোকানীক প্ৰহাৰ কৰিলে মুছলমান যুৱকে। ইয়াৰ ভিডিঅ’ও পোহৰলৈ আহিছে। ঘটনাটো বেংগালুৰুৰ।
ভিডিঅ’টোত দেখা গৈছে যে দোকানীজনৰ ওচৰলৈ কেইজনমান ল’ৰা আহে। দুয়ো পক্ষৰ মাজত কথা-বতৰা হয় আৰু তাৰপাছতে আৰম্ভ হয় কাজিয়া। দোকানীজন ৰাস্তালৈ যায় আৰু তাৰপাছত সকলোৱে মিলি তেওঁক মাৰপিট কৰে। এই বিষয়ত হালাছুৰু গেট থানাত এফআইআৰ ৰুজু কৰা হৈছে।
এই কাণ্ড সংঘটিত হৈছে বেংগালুৰুৰ সিদ্দান্না অঞ্চলৰ এখন মেডিকেল ষ্ট’ৰত। সমগ্ৰ ঘটনাটো দোকানখনত সংস্থাপন কৰা চিচিটিভি কেমেৰাত ৰেক'ৰ্ড হৈছে। বেংগালুৰু আৰক্ষীয়ে জনোৱা মতে, অভিযুক্তক গ্ৰেপ্তাৰ কৰাৰ প্ৰচেষ্টা চলোৱা হৈছে।
দোকানীজনে কয় যে আগতেও তেওঁলোকে দোকানলৈ টকা বিচাৰি আহিছিল। ধন নিদিয়াৰ বাবে বিবাদ হৈছিল। সেইদিনা হনুমান চালিছা বজোৱাৰ বাবে তেওঁলোকে আপত্তি প্ৰকাশ কৰিছিল। ইয়াৰ পিছত তৰ্ক হয় আৰু তেওঁক মুছলমান ল'ৰাকেইজনে প্ৰচণ্ড মাৰপিট কৰে।
অপৰাধীক ধৰিবলৈ তদন্তত নামি পৰিছে আৰক্ষী। ঘটনাটোক লৈ সমগ্ৰ অঞ্চলজুৰি চাঞ্চল্য অব্যাহত আছে।
Continue Reading
