আজি ফাকুৱা! প্ৰধানমন্ত্ৰীৰ পৰা মমতা বেনাৰ্জীলৈকে জনালে দেশবাসীক হোলীৰ শুভেচ্ছা

ডিজিটেল ডেস্কঃ আজি ৰঙৰ উৎসৱ ফাকুৱা। ভিন্নৰঙী আবিৰেৰে ৰঙীন হ’ব চাৰিওদিশ। এই পবিত্ৰ উৎসৱত প্ৰধানমন্ত্ৰী নৰেন্দ্ৰ মোদীয়ে দেশবাসীক হোলীৰ শুভেচ্ছা জনাইছে। তেওঁ টুইটযোগে দেশবাসীক হোলীৰ শুভেচ্ছা জনাই, তেওঁ কয় "সকলোকে হোলীৰ শুভেচ্ছা। ৰঙৰ এই উৎসৱে পাৰস্পৰিক স্নেহ, প্ৰেম আৰু ভাতৃত্ববোধ কঢ়িয়াই আনিক। সকলোৰে জীৱন সুখৰ ৰঙেৰে ভৰি থাকক। '' ৰাষ্ট্ৰপতি ৰামনাথ কোবিন্দেও দেশবাসীক হোলীৰ শুভেচ্ছা জনাইছে। তেওঁ টুইটাৰত লিখিছে, "পৱিত্ৰ হোলীৰ উপলক্ষে মই দেশৰ জনসাধাৰণক শুভকামনা আৰু শুভেচ্ছা জনাইছো। ৰঙৰ এই উৎসৱত সম্প্ৰীতি ধাৰা সৃষ্টি হওঁক। হোলীৰ এই উৎসৱ ভাতৃত্ববোধৰ সৰ্বশ্ৰেষ্ঠ উদাহৰণ। এই উৎসৱে বসন্তৰ আগমনৰ বাৰ্তা বহন কৰে। সকলো দেশবাসীৰ জীৱন আনন্দেৰে ভৰি থাকক। নতুন আশা সঞ্চাৰ কঢ়িযাই আনক। ' মুখ্যমন্ত্ৰী মমতা বেনাৰ্জীয়েও হোলীৰ শুভেচ্ছা জনাইছে। শুকুৰবাৰে তেওঁ টুইট কৰে: "সকলোকে হোলীৰ শুভেচ্ছা জনাইছো। ৰঙৰ এই বিশাল উৎসৱে আমাৰ সকলোৰে জীৱনত সুখ, শান্তি, আনন্দ আৰু সমৃদ্ধি কঢ়িয়াই আনিব পাৰে। বৈচিত্ৰ্য, বন্ধুত্ব আৰু সমতাৰ মনোভাৱই আমাক অনুপ্ৰাণিত কৰক। ভাৰতীয় পৰম্পৰা আৰু ধৰ্মীয় উৎসৱ সমূহৰ ভিতৰত ফাগুন মাহত পালন কৰা ফাকুৱা এক অন্যতম উৎসৱ । এই উৎসৱ ফাগুন মাহৰ শুক্লা তিথিৰ পুৰ্ণিমাত পালন কৰা হয়। ফাকুৱা এনে এক উৎসৱ যত প্ৰকৃতিৰ ৰঙত মতলীয় হৈ পৰে প্ৰতিজন মানুহৰ হৃদয়। ইযনে সিজনক মৰম যাচে আবিৰৰ ৰঙে। প্ৰকৃতিৰ যেন অলেখ অযুত ৰঙে নাচি উঠে চৌদিশে।ফাকুৱা উৎসৱ বিভিন্ন ধৰ্মাৱলম্বী মানুহে পালন কৰে নিজৰ নিজৰ পৰম্পৰা অনুসৰি।এই ফাকুৱা উৎসৱক বিভিন্ন দিশত বিভিন্ন নামেৰে জনা যায়। যেনে ফাকুৱা, ফল্গুসৱ, হলিকা দাহন, দেউল, বসন্তুসৱ, হোলি আদি।