ডিজিটেল ডেস্ক: ভাৰতৰ সেউজ শক্তি খণ্ডত এমাজনে ২০৩০ চনৰ ভিতৰত অতিৰিক্তকৈ ৭০০ কোটি ডলাৰ (প্রায় ৬৫,৩৯০ কোটি টকা) বিনিয়োগ কৰাৰ কথা ঘোষণা কৰিছে। ভাৰতৰ সৈতে কোম্পানীটোৱে ইতিমধ্যে ৪০০ কোটি ডলাৰৰ বিনিয়োগ আৰম্ভ কৰিছে আৰু শেহতীয়াকৈ এই নতুন পুঁজিৰ কথা ঘোষণা কৰে। এমাজনে মধ্যপ্রদেশ, ৰাজস্থান আৰু কৰ্ণাটকত চাৰিটা নতুন সৌৰশক্তি প্রকল্প স্থাপনৰ বিষয়েও ঘোষণা কৰিছে।
এমাজনে কৰ্ণাটকৰ বিজাপুৰত ২৩৪ মেগাৱাট ক্ষমতাসম্পন্ন এটা বায়ুশক্তি প্রকল্প স্থাপন কৰিব। ঠিক সেইদৰে কৰ্ণাটকৰ টুমকুৰত ২০০ মেগাৱাটৰ এটা সংযুক্ত সৌৰ আৰু বায়ুশক্তি প্রকল্প স্থাপন কৰিব। ঠিক সেইদৰে কোম্পানীটোৱে মধ্যপ্ৰদেশৰ মান্দছৌৰত ৩০০ মেগাৱাটৰ আৰু ৰাজস্থানৰ দিনকৰত ২০০ মেগাৱাটৰ দুটা সৌৰশক্তি প্রকল্প স্থাপনৰ পৰিকল্পনা কৰিছে।
এই নতুন প্রকল্পসমূহ কার্যক্ষম হ'লে ভাৰতত নৱীকৰণযোগ্য শক্তিৰ মুঠ ক্ষমতা ২ গিগাৱাট অতিক্ৰম কৰিব আৰু দেশৰ ৩৫ লাখতকৈ অধিক পৰিয়ালৰ বাৰ্ষিক বিদ্যুতৰ চাহিদা পূৰণ কৰিব।
উৎস: দৈনিক জনমভূমি