ডিজিটেল ডেস্কঃ আজি শাওণ মাহৰ প্ৰথম সোমবাৰ। শিৱ ভক্তসকলে গোটেই বছৰটো শাওণ মাহৰ প্ৰথম সোমবাৰৰ বাবে অপেক্ষা কৰে। শাওণ মাহৰ গোটেইকেইটা সোমবাৰৰ মহত্ব আছে যদিও শাওণৰ সোমবাৰৰ এক বিশেষ তাৎপৰ্য্য আছে।। এই সোমবাৰৰ গৌৰৱ বেলেগ। পৌৰাণিক কাহিনী অনুসৰি শাওণৰ সোমবাৰে ভোলানাথক পূজা কৰিলে সকলো দুখ-যন্ত্ৰণাৰ পৰা মুক্ত হৈ আকাংক্ষিত ফল পোৱা যায়। গতিকে শাওণৰ প্ৰথম সোমবাৰ আৰু আনকেইটা শাওণৰ সোমবাৰত কেনেকৈ ভগৱান শিৱক পূজা কৰিব লাগে জানো আহক।
শাওণৰ প্ৰথম সোমবাৰে ব্ৰহ্মপুৱাতে উঠিব লাগে। ইয়াৰ পিছত গোটেই ঘৰটো চাফা কৰাৰ পিছত গা ধুব লাগে। গোটেই ঘৰটোত গংগা জল বা পবিত্ৰ নৈৰ পানী ছটিয়াই দিব লাগে। পূজা কৰাৰ সময়ত কেতিয়াও ক’লা কাপোৰ পিন্ধিব নালাগে, মূলতঃ সেউজীয়া, কেশৰ, হালধীয়া, ৰঙা আৰু বগা কাপোৰ পিন্ধাটো শাওণত শুভ বুলি গণ্য কৰা হয়। এই দিনটোত ভগৱান শিৱৰ লগতে মা পাৰ্বতীকো ফুল, ধূপ, প্ৰদীপ আৰু পানীৰে পূজা কৰিব লাগে। যদি আপুনি ব্ৰত পালন কৰে তেন্তে গোটেই দিনটো ফল-মূল খাওক আৰু দিনটোত এবাৰহে আহাৰ গ্ৰহণ কৰক, শস্য আৰু নিমখ নাখাব। ব্ৰতৰ দিনটোত শুই থাকিলে বা নিমখীয়া বস্তু খালে সেয়া ব্ৰত বুলি ধৰা নহয়। শিৱলিংগত সেৱা কৰা মন্ত্ৰটো হ'ল - ইদং স্নানীয়োদকং ঔম পশুপতয়ে নমঃ বা ইদং স্নানীজলং ঔম নমঃ শিৱায় নমঃ ৷৷
শাওণৰ প্ৰথম সোমবাৰে ভগৱান শিৱক পূজা কৰাৰ বিশেষ তাৎপৰ্য্য আছে। পূজাৰ সময়ত চাউল আগবঢ়োৱা আগবঢ়াব লাগে। লক্ষ্য ৰাখিব যাতে চাউলবোৰ ভঙা-ছিঙা নহয়। শিৱলিংগত চাউল আগবঢ়ালে ভক্তই সকলো পাপৰ পৰা মুক্তি পায় আৰু তেওঁৰ ইচ্ছা পূৰণ হয় বুলি বিশ্বাস কৰা হয়। ভক্তসকলে বেল পাত, ধতুৰা, বগা ফুল, চন্দন, ভস্ম, বেল ফল, শিৱলিংগত ভাং অৰ্পণ কৰি ভগৱান শিৱক গাখীৰৰে অভিষেক কৰিব লাগে। পূজা কৰাৰ পিছত ব্ৰত কথা পঢ়িলে বা শুনিলে বিশেষ ফল পোৱা যায়। শিৱক পূজা-আৰতি কৰি ভগৱান শিৱক ভোগ অৰ্পণ কৰি পৰিয়ালত বিতৰণ কৰাৰ পিছত নিজে গ্ৰহণ কৰক।
শাওণৰ সোমবাৰে ভগৱান শিৱক পূজা কৰিলে কেৱল ফল পোৱাই নহয়, পূজা কৰাৰ সময়ত মন্ত্ৰ জপ কৰিলেও বিশেষ ফল পোৱা যায়।
শিৱ পঞ্চাক্ষৰ মন্ত্ৰ
জগতৰ কল্যাণৰ বাবে স্বয়ং ভগৱান শিৱই পঞ্চক্ষৰ মন্ত্ৰ ৰচনা কৰিছিল যিটো হ’ল – ঔম নমঃ শিৱায়। দৈনিক এই মন্ত্ৰ জপ কৰিলে সকলো ধৰণৰ কষ্টৰ পৰা মুক্তি পোৱা যায়।
মহামৃত্যুঞ্জয় মন্ত্ৰ
ওঁ ত্র্যম্বকম্ যজামহে সুগন্ধিম্ পুষ্টিবর্ধনম্।
উর্বারুকমিব বন্ধনান্ মৃত্যোর্মুক্ষীয় মাঽমৃতাৎ(ॐ त्र्य॑म्बकं यजामहे सु॒गन्धिं॑ पुष्टि॒वर्ध॑नम्।उ॒र्वा॒रु॒कमि॑व॒ बन्ध॑नान् मृ॒त्योर्मु॑क्षीय॒ माऽमृता॑॑त्)
শাওণত এই মন্ত্ৰবোৰ জপ কৰক
ঔম সৰ্বশক্তিমান নমঃ
ঔম ত্ৰিনেত্ৰয় নমঃ
ঔম হৰেয়া নমঃ
ঔম ইন্দ্ৰমুখায় নমঃ
ঔম শ্ৰীকান্তয় নমঃ
ঔম বামদেৱায় নমঃ
ঔম তৎপুৰুষায় নমঃ
ঔম ঈশানয় নমঃ
ঔম অনন্তধর্মায় নমঃ
ঔম জ্ঞানভুতায় নমঃ
ঔম অনন্তবৈৰাগ্যসিংহায় নমঃ
ঔম প্ৰধানায় নমঃ
ঔম ব্যোমৎনে নমঃ
ওম যুক্তকেশাত্মৰূপায় নমঃ
