আজিলৈকে অস্কাৰ বঁটা লাভ কৰা সুযোগ্য ভাৰতীয়সকলৰ বিষয়ে জানো আহক

ডিজিটেল ডেস্ক : বিশ্ব চলচ্চিত্ৰ উদ্যাগৰ আটাইতকৈ প্ৰণিধানযোগ্য আৰু বৃহৎ সন্মান হ’ল অস্কাৰ বঁটা৷ বহুকেইজন চলচ্চিত্ৰ উদ্যোগৰ মহান ভাৰতীয় ব্যক্তি আৰু বহুকেইখন চলচ্চিত্ৰ অস্কাৰ সন্মানৰ বাবে মনোনীত হৈছে৷ বৰ্তমানলৈকে মুঠ ৮জন ভাৰত মাতৃৰ সুযোগ্য সন্তানে এই উল্লেখনীয় সন্মানটি লাভ কৰিছে৷

 দেশৰ সেই সুযোগ্য সন্তানকেইজন হ’ল-

১. সত্যজিৎ ৰায়ঃ-১৯৯২চনত প্ৰসিদ্ধ ভাৰতীয় চলচ্চিত্ৰ পৰিচালক সত্যজিৎ ৰায়ক জীৱনজোৰা সাধনাৰ বাবে ৬৪তম্ অস্কাৰ বঁটা সন্মিলনত এই পুৰস্কাৰ লাভ কৰে৷

২. ভানু আথাইয়াঃ-বিশ্ববিশ্ৰুত ভাৰতীয় ভানু আথাইয়াই ‘গান্ধী’ চলচ্চিত্ৰত শ্ৰেষ্ঠ সাজসজ্জাৰ বাবে অস্কাৰ লাভ কৰে৷

৩. ৰচুল পুকুট্টীঃ-৮১সংখ্যক অস্কাৰ বঁটা প্ৰদান অনুষ্ঠানত ‘শ্লামডগ মিলিঅ’নাৰ’ বোলছবিত কৰা শব্দ সংমিশ্ৰণৰ বাবে শ্ৰেষ্ঠ শব্দ সংমিশ্ৰণত অস্কাৰ বঁটা লাভ কৰে৷

৪. এ আৰ ৰহমানঃ-২০০৯ চনৰ অস্কাৰ বঁটা প্ৰদান অনুষ্ঠানত ‘শ্লামডগ মিলিঅ’নাৰ’ বোলছবিত প্ৰদান কৰা সংগীতৰ বাবে দুটাকৈ শিতানত অস্কাৰ বঁটা লাভ কৰে৷

৫. গুলজাৰঃ-প্ৰসিদ্ধ ভাৰতীয় গুলজাৰে এ আৰ ৰহমানৰ সৈতে ‘শ্লামডগ মিলিঅ’নাৰ’ বোলছবিৰ মূল আৱহ সংগীতৰ বাবে অস্কাৰ বঁটা লাভ কৰে৷

৬. কাৰ্তিকী গ’নজালভেছ আৰু গুণীত মংগাঃ-আজি পুৱা ঘোষণা কৰা ৯৫সংখ্যক অস্কাৰ বঁটা প্ৰদান অনুষ্ঠানত ‘দ্যা এলিফেণ্ট হুইছপাৰাৰচ্’ শীৰ্ষক চুটি তথ্যচিত্ৰৰ বাবে শ্ৰেষ্ঠ চুটি তথ্যচিত্ৰৰ বাবে অস্কাৰ বঁটা’ লাভ কৰে৷

৭. এম এম কীৰাৱানীঃ-এছ এছ ৰাজামৌলীৰ দ্বাৰা পৰিচালিত আৰআৰআৰ বোলছবিৰ ‘নট্টু নট্টু’ শীৰ্ষক গীতটিৰ বাবে শ্ৰেষ্ঠ মূল সংগীতৰ পুৰস্কাৰটি এম এম কীৰাৱানীয়ে লাভ কৰে৷

তদুপৰি কাৰিকৰী সফলতাৰ বাবে আন দুজন ভাৰতীয়ই বিদেশী চলচ্চিত্ৰৰ বাবে অস্কাৰ লাভ কৰিছে৷তেওঁলোক ক্ৰমান্বয়ে ৰাহুল ঠক্কৰ আৰু বিকাশ সথায়ে৷