ডিজিটেল ডেস্কঃ ভাৰতৰ পৰা যাত্ৰা কৰা এখন ইণ্ডিগ' বিমানে আজি পাকিস্তানত জৰুৰী অৱতৰণ কৰে। জানিব পৰা মতে দিল্লীৰ পৰা দোহালৈ যাত্ৰা কৰা বিমানখনত থকা এজন বিদেশী যাত্ৰী হঠাতে অসুস্থ হৈ পৰে। লোকজনৰ অৱস্থা গুৰুতৰ হৈ পৰাত পাইলটে বিমান খনৰ জৰুৰী অৱতৰণ কৰাৰ সিদ্ধান্ত লয়।
লগে লগে নিকটৱৰ্তী কৰাচীৰ বিমান বন্দৰৰ সৈতে যোগাযোগ কৰা হয়৷ কৰাচীৰ বিমান বন্দৰ কৰ্তৃপক্ষই ভাৰতীয় বিমান খনৰ জৰুৰী অৱতৰণৰ অনুমতি দিয়াৰ পিছতে বিমান খনে কৰাচীৰ বিমানবন্দৰত অৱতৰণ কৰে৷ কিন্তু দুৰ্ভাগ্যজনকভাবে অসুস্থ হৈ পৰা বিদেশী যাত্ৰীগৰাকীৰ মৃত্যু হয়৷ উল্লেখ্য সোমবাৰে পুৱা প্ৰায় ৮.৪৫ বজাত উৰণৰ পিছতে বিমানখনত থকা এজন যাত্ৰীয়ে অসুস্থ অনুভৱ কৰিছিল।
লক্ষ্যণীয় কথাটো হ’ল ভাৰতীয় বিমানক পাকিস্তানৰ আকাশসীমাত প্ৰৱেশ কৰিবলৈ অনুমতি দিয়া নহয়। কিন্তু জৰুৰী পৰিস্থিতিত দোহা অভিমুখী বিমানখন কৰাচীৰ জিন্না আন্তঃৰাষ্ট্ৰীয় বিমানবন্দৰত অৱতৰণ কৰাৰ অনুমতি দিয়া হয়। মৃত ব্যক্তিজনৰ নাম আব্দুল্লা বুলি জানিব পৰা গৈছে। ৬০ বছৰীয়া আব্দুল্লাহ এজন নাইজেৰিয়ান নাগৰিক আছিল। কৰাচী বিমানবন্দৰত বিমান খনে অৱতৰণ কৰাৰ আগতেই তেওঁৰ মৃত্যু হৈছিল।
Continue Reading
