ডিজিটেল ডেস্কঃ সোণ হৈ জিলিকিছে ভাৰতীয় অপেনাৰ যশস্বী জয়ছোৱাল। প্ৰথমখন মেছত উচিত আৰম্ভণি দিয়াত ব্যৰ্থ হোৱা যশস্বীয়ে সেই ব্যৰ্থতা দ্বিতীয় ইনিংছত সামৰি লৈছিল। আজি যশস্বীয়ে ৰাজকোটত ইংলেণ্ডৰ বিৰুদ্ধে শতক অৰ্জন কৰে। মাত্ৰ ১২২ বলত ১০০ ৰাণ সংগ্ৰহ কৰে যশস্বীয়ে।
বিশাখাপট্টনমত প্ৰথম ইনিংছত দ্বৈত শতক অৰ্জন কৰে যশস্বীয়ে। কিন্তু পৰৱৰ্তী দুটা ইনিংছত তেওঁৰ প্ৰদৰ্শন আছিল দুৰ্বল।আজি যশস্বীয়ে নিজৰ খেলৰ সাধাৰণ আৰম্ভণি কৰিছিল। বিশেষকৈ ইংলেণ্ডৰ দুজন স্পিনাৰ টম হাৰ্টলী আৰু ৰেহান আহমেদৰ বিৰুদ্ধে বৃহৎ শ্বট খেলিছিল যশস্বীয়ে। ভাৰতীয় অ’পেনাৰগৰাকীয়ে পৰৱৰ্তী ৫৮টা বলত ৭২ ৰান সংগ্ৰহ কৰে। য’ত যশস্বীয়ে আঠটা চাৰি আৰু পাঁচটা ছয় মাৰে।
যশস্বীৰ সৈতে সিটো মূৰত শুভমন গীলে আৰম্ভণি দিয়ে। তেওঁ প্ৰথম ইনিংছত কোনো ৰাণ সংগ্ৰহ কৰা নাছিল। গতিকে শুভমনে অপ্ৰয়োজনীয়ভাৱে ৰিস্ক লোৱা নাছিল।যশস্বীয়ে দ্ৰুত ৰাণ লোৱাৰ লগে লগে তেওঁৰ শতক সংগ্ৰহৰ কামটো সহজ হৈ পৰে। অৱশেষত যশস্বীয়ে ১২২টা বলত শতক অৰ্জন কৰে। যশস্বীৰ শতকৰ সময়ত ভাৰতৰ স্ক’ৰ আছিল ১ উইকেটত ১৫৮ ৰাণ।
Continue Reading
