ডিজিটেল ডেস্কঃ টেষ্ট ক্ৰিকেটৰ নতুন মাইলৰ খুঁটি স্পৰ্শ কৰিলে ৰবিচন্দ্ৰন অশ্বিনে। ভাৰত-ইংলেণ্ডৰ তৃতীয় টেষ্টত অশ্বিনে ৫০০ উইকেট দখল কৰাৰ নজিৰ গঢ়ি তোলে। শুকুৰবাৰে ইংলেণ্ডৰ জেক ক্ৰ’লীক আউট কৰি ৯৮ সংখ্যক টেষ্টত অশ্বিনে এই কৃতিত্ব অৰ্জন কৰে। তেওঁ অনিল কুম্বলেৰ পিছত ৫০০ টেষ্ট উইকেট দখল কৰা দ্বিতীয়জন ভাৰতীয় বলাৰ হিচাপে পৰিগণিত হয়।
ৰাজকোট টেষ্টৰ পূৰ্বে অশ্বিনৰ উইকেটৰ সংখ্যা আছিল ৯৭খন টেষ্টত ৪৯৯ উইকেট। ৫০০ উইকেটৰ মাইলৰ খুঁটিত উপনীত হ’বলৈ তেওঁক ১ উইকেটৰ প্ৰয়োজন হৈছিল। এই অভিলেখ কুম্বলেৰ পাছত ভংগ কৰা তেওঁ দ্বিতীয়জন ভাৰতীয় বলাৰ হিচাপে পৰিগণিত হয়। দেশৰ মাটিত ৫৮ সংখ্যক টেষ্টত অশ্বিনে ৩৪৭টা উইকেট দখল কৰে। অশ্বিনে ২৬ ইনিংছত ৫ বা তাতকৈ অধিক উইকেট দখল কৰিছে। অশ্বিনে ৬খন মেচত ১০টা বা তাতকৈ অধিক উইকেট দখল কৰিছে।
এই কৃতিত্ব অৰ্জন কৰে অশ্বিনে ভাৰতৰ দ্বিতীয় কিন্তু বিশ্বৰ নৱম বলাৰ হিচাপে। কুম্বলে (৬১৯), মুথইয়া মুৰুলীধৰণ (৮০০), শ্বেন ৱাৰ্ণ (৭০৮), জেমছ এণ্ডাৰছন (৬৯৬), ষ্টুয়াৰ্ট ব্ৰড (৬০৪), গ্লেন মেকগ্ৰাথ (৫৬৩), কৰ্টনী ৱালছ (৫১৯) আৰু নাথান লায়নে (৫১৭)ও লাভ কৰিছে এই কৃতিত্ব তেওঁৰ আগতেই অৰ্জন কৰিছিল।
ৰাজকোটত কুম্বলেৰ আন এক নজিৰ ভংগ কৰিব পাৰে অশ্বিনে। তাৰ বাবে তেওঁ এই টেষ্টত ৫টা উইকেট ল’ব লাগিব। দেশৰ ৬৩খন টেষ্টত কুম্বলে ৩৫০টা উইকেট দখল কৰে। অভিলেখ ভংগ কৰিবলৈ অশ্বিনক আৰু ৪টা উইকেটৰ প্ৰয়োজন।
Continue Reading
