ডিজিটেল ডেস্ক: দুটাতকৈ অধিক সন্তান থকাসকলক চৰকাৰী চাকৰি দিবলৈ অস্বীকাৰ কৰাটো বৈষম্যমূলক নহয়৷ ৰাজ্যখনৰ এই ১৯৮৯ৰ আইনখনে লাভ কৰিলে উচ্চতম ন্যায়ালয়ৰ অনুমোদন।
বিচাৰকসকলে এই আইনক প্ৰত্যাহ্বান জনাই দাখিল কৰা এখন আৱেদনৰ শুনানি গ্ৰহণ কৰি এই অনুমোদন জনায়৷ ২০ ফেব্ৰুৱাৰীৰ এক নিৰ্দেশত ন্যায়াধীশ সূৰ্য কান্ত, দীপাংকৰ দত্ত আৰু কে ভি বিশ্বনাথনৰ বিচাৰপীঠে কয়, ইয়াত হস্তক্ষেপ কৰাৰ কোনো প্ৰয়োজন নাই।
বিচাৰপীঠে ২০২২ৰ ১২ অক্টোবৰৰ ৰাজস্থান উচ্চ ন্যায়ালয়ৰ সিদ্ধান্ত বজাই ৰাখে আৰু প্ৰাক্তন সৈনিক ৰামজী লাল জাটৰ আবেদন খাৰিজ কৰে।
২০১৭ৰ জানুৱাৰীত প্ৰতিৰক্ষা সেৱাৰ পৰা অৱসৰৰ পাছত সৈনিকজনে ২০১৮ৰ মে’ত ৰাজস্থান আৰক্ষীত এজন কনিষ্টবল পদৰ বাবে আবেদন কৰিছিল। কিন্তু ৰাজস্থান আৰক্ষী অধীনস্থ সেৱা নিয়ম, ১৯৮৯ৰ অধীনত তেওঁৰ আবেদন নাকচ কৰা হৈছিল৷
কিয়নো ২০০২ৰ ১ জুনৰ পাছত তেওঁৰ দুটাতকৈ অধিক সন্তান আছিল। ন্যায়ালয়ে কৈছিল যে পূৰ্বে পঞ্চায়ত নিৰ্বাচনৰ প্ৰতিদ্বন্দ্বীসকলৰ বাবে পৰিয়াল পৰিকল্পনাৰ প্ৰচাৰৰ বাবে একেধৰণৰ নিয়ম অনুমোদিত কৰিছিল।
Continue Reading
