ডিজিটেল ডেস্কঃ বৃহস্পতিবাৰে ৰাজস্থানৰ বৰমেৰ অঞ্চলত সংঘটিত হৈছে এক জঘণ্য ঘটনা। প্ৰথমে এগৰাকী দলিত মহিলাৰ ঘৰত প্ৰৱেশ কৰে ব্যক্তি। তাৰপাছতেই ধৰ্ষণ কৰে মহিলাগৰাকীক। শেষত মহিলাগৰাকীৰ গাত জুই লগাই গুচি যায় ধৰ্ষক।
এই ঘটনাৰ সন্দৰ্ভত শুকুৰবাৰে স্থানীয় থানাত এজাহাৰ দাখিল কৰা হয়। আৰক্ষীৰ সূত্ৰ অনুসৰি পলাতক অভিযুক্তৰ নাম আৰু পৰিচয় জানিব পৰা গৈছে।
ঘটনাৰ অভিযোগ অনুসৰি বৃহস্পতিবাৰে ঘৰত অকলে আছিল ৪৪ বছৰীয়া মহিলাগৰাকী। দুপৰীয়া মহিলাগৰাকী ঘৰত অকলে থকাৰ সময়তে হঠাৎ এজন ব্যক্তি তেওঁৰ ঘৰত প্ৰৱেশ কৰে। ঘৰত প্ৰৱেশ কৰাৰ পিছতেই ধৰ্ষণ কৰে মহিলাগৰাকীক। মহিলাগৰাকীক ধৰ্ষণ কৰাৰ পিছত অভিযুক্তই মহিলাগৰাকীৰ শৰীৰত জুই লগাই পলায়ন কৰে।
আৰক্ষীৰ তথ্য অনুসৰি, ধৰা পৰাৰ আশংকাত অভিযুক্তই মহিলাগৰাকীৰ শৰীৰত জুই লগাই দিয়ে। জুই লগাৰ ফলত ভুক্তভোগী মহিলাগৰাকীৰ ৫০ শতাংশ দেহ জ্বলি যায়।
প্ৰথম অৱস্থাত তেওঁক ওচৰৰ চিকিৎসালয়ত ভৰ্তি কৰা হৈছিল যদিও পিছত তেওঁৰ অৱস্থাৰ উন্নতি নোহোৱাত তেওঁক যোধপুৰৰ এখন চিকিৎসালয়লৈ লৈ যোৱা হয়। এতিয়াও মহিলাগৰাকী চিকিৎসাধীন হৈ আছে।
মহিলাগৰাকীৰ পৰিয়ালে দাবী কৰিছে যে তেওঁ দলিত সম্প্ৰদায়ৰ হোৱাৰ বাবেই প্ৰথমে আৰক্ষীয়ে এজাহাৰ দাখিল কৰিব বিচৰা নাছিল। অৱশ্যে এই সন্দৰ্ভত আৰক্ষীয়ে একো কোৱা নাই। আৰক্ষী বিষয়াৰ মতে, মহিলাগৰাকীৰ অভিযোগৰ ভিত্তিত তেওঁলোকে তদন্ত আৰম্ভ কৰিছে।
Continue Reading
