ডিজিটেল ডেস্কঃ অযোধ্যাৰ ৰাম মন্দিৰ ২২ জানুৱাৰীত উদ্বোধন কৰা হ'ব। সমগ্ৰ অযোধ্যা নতুন ৰূপত সাজি-কাচি ওলাব। ৰাম জন্মভূমি ন্যাসে ইতিমধ্যে অতিথিসকললৈ নিমন্ত্ৰণ পত্ৰ পঠোৱা আৰম্ভ কৰিছে। ৰাম মন্দিৰৰ উদ্বোধনী অনুষ্ঠানলৈ বলীউডৰ বহু তাৰকাকো আমন্ত্ৰণ জনোৱা হৈছে।
অমিতাভ বচ্চন, অনুপম খেৰ, আলিয়া ভাট, ৰণবীৰ কাপুৰ, অক্ষয় কুমাৰ, মাধুৰী দীক্ষিত আৰু দক্ষিণৰ তাৰকা যশ-প্ৰভাসো সেই তালিকাত আছে। এইবাৰ সেই তালিকাত আন এগৰাকী বলিউডৰ তাৰকাৰ নাম যোগ হৈছে। কংগনা ৰাণাৱটে ৰাম মন্দিৰ উদ্বোধনী অনুষ্ঠানৰ বাবে আমন্ত্ৰণ লাভ কৰিছে। উদ্বোধনী অনুষ্ঠানৰ বাবে আমন্ত্ৰণ পোৱাৰ পিছত কংগনাই তেওঁৰ অনুৰাগীসকলক আমন্ত্ৰণ পত্ৰ ' তেওঁৰ সামাজিক মাধ্যমত শ্বেয়াৰ কৰিছে। আমন্ত্ৰণ পত্ৰখন এখন গেৰুৱা মোনাৰ ভিতৰত আছে। মোনাটোত 'ৰাম মন্দিৰ অযোধ্যা' লিখা আছে। যেতিয়া বেগটো খোলে, ভিতৰত এটা কাঠৰ বাকচ ওলাই পৰে। সেই বাকচৰ মাজত ৰামৰ প্ৰতীক আছে, তেওঁৰ হাতত ধনু আৰু কাড় আছে। বাকচটোত ৰাম মন্দিৰৰ ৰূপো অঁকা আছে।
আমন্ত্ৰণ পত্ৰৰ প্ৰথম পৃষ্ঠাত সিংহাসনত বহি থকা ৰাম আৰু সীতাৰ এখন ছবি আছে। পৰৱৰ্তী পৃষ্ঠাত বাওঁফালে ৰাম মন্দিৰৰ জীৱন প্ৰতিষ্ঠা কৰাৰ আমন্ত্ৰণ আছে। একেদৰে পিছৰ পৃষ্ঠাত অযোধ্যাৰ চমু তাৎপৰ্য আছে আৰু ৰামচৰিত মানসৰ আংশিক কথা উল্লেখ আছে। বাকচত এটা তামৰ মুদ্ৰাও আছে।ইয়াৰ ওজন ১০ গ্ৰাম। মুদ্ৰাটোৰ এফালে ভগৱান ৰামৰ মুখ খোদিত কৰা আছে। ৰাম মন্দিৰৰ গাঁথনিটো আনফালে খোদিত কৰা হৈছে।এক দৃষ্টিত এনে লাগে যে ৰাম মন্দিৰ কৰ্তৃপক্ষই সমগ্ৰ আমন্ত্ৰণ পত্ৰত প্ৰাচীন ভাৰতৰ সংস্কৃতিৰ আলোকপাত কৰিব বিচাৰিছে।
Continue Reading
