ডিজিটেল ডেস্কঃ প্ৰযুক্তিয়ে এতিয়া বহু কথাই সলাই পেলাইছে। এতিয়া সকলোতে অনলাইনৰ যুগ। বজাৰ কৰাৰ পৰা আৰম্ভ কৰি শিক্ষাগ্ৰহণ কৰালৈকে সকলোতে অনলাইন ব্যৱস্থাই আধিপত্য বিৰাজ কৰিছে। এইবাৰ আকৌ বিয়াও হ’ল অনলাইনতে। মধ্য প্ৰদেশৰ চিওনীত এজন পুৰোহিতে আমেৰিকা যুক্তৰাষ্ট্ৰত উপস্থিত দৰা-কইনাৰ বাবে অনলাইন বিবাহৰ ব্যৱস্থা কৰি বিবাহ কাৰ্য সম্পন্ন কৰে।
পুৰোহিতে ভাৰতত থাকিয়েই ভিডিঅ’ কনফাৰেন্সিঙৰ সহায়ত আমেৰিকাৰ দৰা-কইনাৰ সৈতে সংযোগ স্থাপন কৰে আৰু মন্ত্ৰ পাঠ কৰে। অনলাইন বিবাহৰ পিছত কইনা আৰু দৰা সুখী হৈ পৰা পৰিলক্ষিত হয়।তেওঁলোকক পুৰোহিতক ৪ লাখ ২০ হাজাৰ টকা দক্ষিণা হিচাবে দিয়ে । জানিব পৰা মতে বিয়াখন ২১ মে'ত হৈছিল। য'ত কইনা আৰু দৰাৰ দুয়োফালৰ লোকসকল এই বিবাহ অনুষ্ঠানত অনলাইনোগে সংযোগ হৈছিল। 
ইফালে দম্পতীহালে পুৰোহিতে কৰিবলৈ কোৱা সকলো ৰীতি-নীতি সম্পূৰ্ণকৈ পালন কৰিছিল। এই বিবাহ কাৰ্যসূচীৰ ভিডিঅ' এতিয়া ছ'চিয়েল মিডিয়াত প্ৰকাশ পাইছে। অনলাইনত হোৱা বিয়া খন এতিয়া বহু মানুহৰ আলোচনাৰ কেন্দ্ৰবিন্দু হৈ পৰিছে।মধ্যপ্ৰদেশৰ চিওনিৰ বৰাপথাৰৰ বাসিন্দা সুনীল উপাধ্যায়ৰ পুত্ৰ দেৱেশ্বৰ উপাধ্যায়ে আমেৰিকা যুক্তৰাষ্ট্ৰত কাম কৰি আছে।
তেওঁ আমেৰিকা যুক্তৰাষ্ট্ৰত থকা পুনেৰ সুপ্ৰিয়াক লগ পাইছিল আৰু পিছত তেওঁক বিয়া কৰোৱাৰ সিদ্ধান্ত লৈছিল । কিন্তু কামৰ হেঁচাৰ বাবে তেওঁ ভাৰতলৈ আহিব পৰা নাছিল। তেওঁলোকে ভাৰতীয় হিন্দু ৰীতি-নীতি অনুসৰি বিবাহ কৰিব বিচাৰিছিল । কইনাৰ পৰিয়ালটোৱে চিওনিৰ ৬৭ বছৰীয়া পুৰোহিত ৰাজেন্দ্ৰ পাণ্ডেৰ সৈতে বিষয়টোকলৈ কথা পাতিছিল আৰু অনলাইনতে বিয়া খন সম্পন্ন কৰোৱাৰ কথা কৈছিল। সেইমতে বিবাহৰ তাৰিখ নিৰ্ধাৰণ কৰা হৈছিল ।
Continue Reading
