ডিজিটেল ডেস্কঃ হনুমানৰ বিৰুদ্ধে ভূমি দখলৰ গুৰুত্বপূৰ্ণ অভিযোগ উত্থাপিত উঠিছে। সেইবাবে জাননী প্ৰেৰণ কৰা হৈছে ৰামভক্ত হনুমানলৈ। ঘটনাটো সংঘটিত হৈছে মধ্যপ্ৰদেশত।
মধ্যপ্ৰদেশৰ মৰেনা জিলাৰ সবলগড় চহৰত ৰেলৱেৰ ভূমিত হনুমান মন্দিৰ নিৰ্মাণ কৰা হৈছে। সেয়ে ৰে’লৱে’ বিভাগে ভূমি দখলৰ অভিযোগত জাননী প্ৰেৰণ কৰিছে হনুমানলৈ।
সংবাদ মাধ্যমৰ খবৰ অনুসৰি, এই জাননীখন ৰে’লৱেই ‘বজৰংবলী’লৈ প্ৰেৰণ কৰিছে। কিন্তু পিছত ভুল বুজি পাই জাননীখন প্ৰত্যাহাৰ কৰা হয়।
অক্ষয় কুমাৰ-পৰেশ ৰাৱালে অভিনীত হিন্দী ছবি ‘অ’ মাই গড’ত প্ৰাকৃতিক দুৰ্যোগৰ ক্ষতিপূৰণ বিচাৰি দেৱতাসকলৰ বিৰুদ্ধে জাননী প্ৰেৰণ কৰা হৈছিল। সেই ছবিখনক লৈ বহুত হুলস্থুলৰ সৃষ্টি হৈছিল। এইবাৰো বাস্তৱতেই সংঘটিত হ’ল একেধৰণৰ ঘটনা।
ৰে’লৱেৰ সূত্ৰ অনুসৰি, যোৱা ৮ ফেব্ৰুৱাৰীত ‘বজৰংবলী’ক সম্বোধন কৰি এই জাননী জাৰি কৰা হৈছিল। জাননীৰ জৰিয়তে ৭ দিনৰ ভিতৰত বেদখল কৰা মাটি খালী কৰিবলৈ নিৰ্দেশ দিয়া হৈছিল। জাননীখনত লগতে উল্লেখ কৰা হৈছে যে যদিহে ৰে’লৱেই মন্দিৰৰ গাঁথনিটো আঁতৰাই নিদিয়ে তেন্তে সকলো খৰচ অধিগ্ৰহণকাৰীয়ে বহন কৰিব লাগিব। হনুমান মন্দিৰত ৰে’লৱেই আঁৰি দিছিল এই জাননী।
জাননীখনৰ ছবি ভাইৰেল হোৱাৰ পিছতে এক উত্তেজনাৰ সৃষ্টি হয় আৰু পিছত ৰে’লৱেই ভুলটো শুধৰাই মন্দিৰৰ পুৰোহিত হৰিশংকৰ শৰ্মাৰ নামত নতুন জাননী জাৰি কৰে।
Continue Reading
