ডিজিটেল ডেস্কঃ মাদ্দুৰ কৰ্ণাটকৰ এখন সৰু গাঁও। শেহতীয়াকৈ গাঁওখন চৰ্চালৈ আহিছে। এই গাঁৱৰ পুৰুষসকলে বিয়াৰ বাবে কইনাৰ সন্ধানত মহাদেশ্বৰ পৰ্বতৰ দিশে পদযাত্ৰা আৰম্ভ কৰিছে।
গাঁওখনৰ পুৰুষসকলে বিয়া পাতিবলৈ কইনা বিচাৰি নোপোৱাৰ কাৰণ আছে। সেয়া হৈছে কৰ্ণাটকৰ ৰাজধানী চহৰ বেংগালুৰুৰ পাত্ৰ অবিহনে মাদ্দুৰৰ কোনো ছোৱালীৱে গাওঁখনৰ যুৱকসকলক বিয়া পাতিবলৈ ইচ্ছুক নহয়। ফলত গাঁওখনৰ প্ৰায় ২০০ পুৰুষ এতিয়াও অবিবাহিত হৈ আছে।
এই পদযাত্ৰাত অংশগ্ৰহণ কৰা বহুতো যুৱকে বাংগালোৰত নথকাৰ বাবেই তেওঁলোকে প্ৰেয়সীসকলকো হেৰুৱাইছিল। সেয়ে মহাদেশ্বৰ পৰ্বতলৈ পদযাত্ৰা আৰম্ভ কৰিছে তেওঁলোকে। মহাদেশ্বৰ পৰ্বতক মাদুৰাবাসীয়ে শিৱৰ বাসস্থান বুলি গণ্য কৰে। ১০৫ কিলোমিটাৰ অতিক্ৰম কৰাৰ পিছত পোনপটীয়াকৈ ভগৱানৰ ওচৰত আত্মাৰ সঙ্গী বিচাৰি প্ৰাৰ্থনা কৰিব তেওঁলোকে।
এই পদযাত্ৰাক ‘ব্ৰহ্মচাৰিগালা পদযাত্ৰা’ নামেৰে নামাকৰণ কৰা হৈছে। এই যাত্ৰাৰ আয়োজক সংগঠনৰ মতে, যাত্ৰা আৰম্ভ হ’ব ২০০ জন অবিবাহিত পুৰুষৰ পৰা। এই পৰ্যন্ত ২০০ খন আৱেদন দাখিল কৰা হৈছে। পদযাত্ৰাত অংশগ্ৰহণ কৰা সকলোৰে বয়স প্ৰায় ৩০ বছৰ।
Continue Reading
