ডিজিটেল ডেস্কঃ পুনৰ বুকুৰ বিষত আক্ৰান্ত হৈ মৃত্যু হয় এজন কৃষকৰ৷ পঞ্জাবৰ প্ৰাক্তন মুখ্যমন্ত্ৰী কেপ্তেইন অমৰিন্দৰ সিঙৰ ঘৰৰ সন্মুখত বিক্ষোভৰ সময়ত এই আন্দোলনকাৰী কৃষকজনৰ মৃত্যু হয়। জানিব পৰা মতে, দেওবাৰে সন্ধিয়া প্ৰতিবাদ সাব্যস্ত কৰি কৃষকজনৰ হহৃদৰোগত মৃত্যু হয়। চিকিৎসালয়লৈ নিয়াৰ সময়ত চিকিৎসকে ব্যক্তিজনক মৃত বুলি ঘোষণা কৰে।
আৰক্ষীৰ সূত্ৰ অনুসৰি মৃত লোকজনৰ নাম নৰিন্দৰ পাল।ব্যক্তিজন পাটিয়ালা জিলাৰ বাথৈ কলন গাঁৱৰ বাসিন্দা আছিল। বি কে ইউ একতা উগ্ৰহন নামৰ এটা কৃষক সংগঠনে দেওবাৰে অমৰিন্দৰ সিঙৰ ঘৰৰ সন্মুখত প্ৰতিবাদী কাৰ্যসূচী ৰূপায়ণ কৰে। সেই কাৰ্যসূচীত নাৰিন্দৰে অংশগ্ৰহণ কৰিছিল। প্ৰত্যক্ষদৰ্শীৰ মতে, প্ৰতিবাদৰ সময়ত নৰিন্দৰে হঠাতে বুকুৰ বিষ অনুভৱ কৰে। লগে লগে তেওঁক চিকিৎসালয়লৈ লৈ যোৱা হয়। চিকিৎসকে চিকিৎসা আৰম্ভ কৰিলে যদিও তেওঁক বচাব পৰা নগ’ল৷
উল্লেখ্য যে,যোৱা মঙলবাৰৰ পৰা কৃষকসকলৰ দাবী কেন্দ্ৰলৈ প্ৰেৰণ কৰি আৰম্ভ কৰিছে ‘দিল্লী চালো’ কাৰ্যসূচী। উত্তৰ প্ৰদেশ, পঞ্জাৱ আৰু হাৰিয়ানা – মূলতঃ এই তিনিখন ৰাজ্যৰ কৃষকসকলে এই কাৰ্যসূচীত অংশগ্ৰহণ কৰিছে। প্ৰায় তিনিশ কৃষক সংগঠনে এই প্ৰতিবাদত যোগদান কৰিছে। কৃষকসকলে দাবী জনাইছে যে চৰকাৰে শস্যৰ উচিত সমৰ্থন মূল্যৰ আইনী নিশ্চয়তা দিব লাগে। একে সময়তে সকলো কৃষি ঋণ ৰেহাই দিব লাগে।
পঞ্জাব-হাৰিয়ানাৰ শম্ভু সীমান্তত বিগত এসপ্তাহ ধৰি কৃষকসকলে প্ৰতিবাদ সাব্যস্ত কৰি আহিছে। এই আন্দোলনৰ সময়তে শুকুৰবাৰে পুৱা জ্ঞান সিং নামৰ এজন কৃষকৰ মৃত্যু হয়। জ্ঞান আছিল পঞ্জাৱৰ গুৰদাসপুৰৰ বাসিন্দা।
Continue Reading
