ডিজিটেল ডেস্কঃ মুঠ ৮০০টা ভাৰতীয় শব্দ অক্সফৰ্ড অভিধানত শেহতীয়াকৈ অন্তৰ্ভুক্ত কৰা হৈছে। সেই তালিকাত ‘দেশ’, ‘বিন্দাস’, ‘দিয়া’, 'বাচ্ছা’ৰ দৰে বহু ভাৰতীয় শব্দ সন্নিবিষ্ট কৰা হৈছে। ব্ৰিটিছ অভিধান অনুসৰি, ইংলেণ্ড আৰু আমেৰিকাৰ পিছত ভাৰতীয় ইংৰাজীক তেওঁলোকে গুৰুত্ব দিয়ে। কিন্তু লিখিত অভিধানখন নহয়, অডিঅ’ অভিধানতহে ভাৰতীয় শব্দই স্থান পাইছে। ভাৰতৰ বাহিৰেও মুঠ ১৬টা ইংৰাজী শব্দ এই অক্সফৰ্ডৰ অডিঅ’ অভিধানত ৰখা হৈছে।
এই অডিঅ’ অভিধানখন ২০১৬ চনৰ পৰা অক্সফৰ্ড ইউনিভাৰ্চিটি প্ৰেছে আৰম্ভ কৰিছিল। ব্ৰিটেইন আৰু আমেৰিকাৰ উপৰিও অক্সফৰ্ডে উদ্যোগ লৈ মানুহে ইংৰাজী কোৱা সকলো দেশৰ শব্দভাণ্ডাৰ নিজৰ অভিধানত অন্তৰ্ভুক্ত কৰে। এই সংস্থাৰ সম্পাদিকা কেথেৰিন চেংষ্টাৰে কয়, "আমেৰিকা আৰু ব্ৰিটেইনৰ লগতে ভাৰতীয় ইংৰাজী আমাৰ বাবে অতি গুৰুত্বপূৰ্ণ।"
অডিঅ’ অভিধানৰ বাবে ভাৰতীয় ইংৰাজী শব্দ বাছনি কৰাটো যথেষ্ট কঠিন আছিল বুলি কেথাৰিনে কয়। কিন্তু অৱশেষত অক্সফৰ্ড ইউনিভাৰ্চিটি প্ৰেছৰ কৰ্তৃপক্ষই ইমানবোৰ ভাৰতীয় শব্দ একেলগে অভিধানত স্থান দি অতি আনন্দিত হয়।
ভাৰতৰ বাহিৰেও এই অভিধানত নিউজিলেণ্ড, ৱেষ্ট ইণ্ডিজৰ দৰে দেশৰ পৰাও স্থানীয় শব্দ লোৱা হৈছে। এই শব্দৰ জৰিয়তে ইংৰাজী ভাষাই অধিক লোকৰ কাষ চাপিব বুলি আশা কৰিছে অক্সফৰ্ড কৰ্তৃপক্ষই।
Continue Reading
