ডিজিটেল ডেস্কঃ পাকিস্তানী ক্ৰিকেটাৰ ছোৱেইব মালিকৰ তৃতীয় বিবাহক লৈ চলা চৰ্চাৰ মাজতে ইণ্টাৰনেটত এক আলোড়নৰ সৃষ্টি হৈছে৷শেহতীয়াকৈ ভাইৰেল হৈছে বিচ্ছেদ হোৱা ছোৱেইব-ছানিয়াৰ এক বিশেষ ভিডিঅ’৷ভিডিঅ’টোত বলীউডৰ কিং শ্বাহৰুখ খানে ছানিয়া মিৰ্জা আৰু শ্বোয়েইব মালিকক প্ৰশ্ন সোধা দেখা গৈছে। বলীউডৰ তাৰকাগৰাকীৰ প্ৰতি প্ৰশ্ন আছিল- আপোনালোকে কিয় বিয়া পাতিলে? চাও আহক দম্পতীহালৰ উত্তৰ আছিল কেনেধৰণৰ?
২০ জানুৱাৰীত শ্বোৱেইবে হঠাতে তেওঁৰ আৰু ছানা জাভেদৰ বিবাহৰ খবৰ ছচিয়েল মিডিয়াত ঘোষণা কৰিছিল। পাছত ছানিয়াৰ পৰিয়ালেও প্ৰকাশ কৰে যে ভাৰতীয় টেনিছ তাৰকা আৰু শ্বোৱেইবৰ কিছু মাহ পূৰ্বে বিচ্ছেদ হৈছিল। ২০১০ চনত ছানিয়া আৰু শ্বোৱেইবৰ বিবাহ হয়। এটা অনুষ্ঠানত শ্বাহৰুখে ছানিয়া আৰু শ্বোৱেইবক সুধিলে, "আপোনালোকে ইমান সোনকালে কিয় বিয়া পাতিলে?"
এই প্ৰশ্নৰ উত্তৰত ছানিয়াই হাঁহি হাঁহি ক’লে, “শ্বোৱেইবৰ বহু গুণ আছে। কিন্তু সি বৰ লাজকুৰীয়া। বেছি কথা নকয়।" ইয়াৰ পাছত ছানিয়াই শ্বাহৰুখক ক'লে, "আপুনি তেওঁক অলপ কথা ক'বলৈ শিকাব।" শ্বাহৰুখে শ্বোৱেইবক একেটা প্ৰশ্নই সুধিছিল। পাক ক্ৰিকেটাৰজনে উত্তৰে কয় যে আমি কোনো কথা ভবাৰ আগতেই বিয়া হৈছিলোঁ।
Continue Reading
