দবা বিশ্বকাপৰ দুয়োখন টাইব্ৰেক মেচত ভাৰতৰ ৰমেশবাবু প্ৰজ্ঞানন্দক পৰাস্ত কৰি নৰৱে’ৰ প্ৰথম স্থানৰ দবা খেলুৱৈ মেগনাছ কাৰ্লছেনে খিতাপ দখল কৰে। দুয়োগৰাকী খেলুৱৈৰ চূড়ান্ত খেলখনৰ দুয়োখন মেচ ড্ৰ’ত সমাপ্ত হোৱাৰ পাছত টাইব্ৰেক মেচৰ জৰিয়তে ফলাফল নিৰ্ণয় কৰা হয়।

Listen to Article

2 min read

80%

ডিজিটেল ডেস্কঃ দবা বিশ্বকাপৰ দুয়োখন টাইব্ৰেক মেচত ভাৰতৰ ৰমেশবাবু প্ৰজ্ঞানন্দক পৰাস্ত কৰি নৰৱে’ৰ প্ৰথম স্থানৰ দবা খেলুৱৈ মেগনাছ কাৰ্লছেনে খিতাপ দখল কৰে। দুয়োগৰাকী খেলুৱৈৰ চূড়ান্ত খেলখনৰ দুয়োখন মেচ ড্ৰ’ত সমাপ্ত হোৱাৰ পাছত টাইব্ৰেক মেচৰ জৰিয়তে ফলাফল নিৰ্ণয় কৰা হয়।

দবা বিশ্বকাপ ২০২৩ৰ দ্বিতীয়খন টাইব্ৰেকাৰ মেচত ভাৰতৰ যুৱ গ্ৰেণ্ডমাষ্টাৰ প্ৰজ্ঞানন্দই বিশ্বৰ ১ নম্বৰ খেলুৱৈ কাৰ্লছেনৰ পিছ পৰি ৰয়। ইয়াৰ পাছত দুয়োৰে মাজত চূড়ান্ত স্ক’ৰ কাৰ্লছনৰ ১.৫ হোৱাৰ বিপৰীতে প্ৰজ্ঞানন্দৰ ০.৫। এই মেচখনত ১৮টা মুভৰ পাছত ৰাণীক সলনি কৰা হৈছিল যদিও কাৰ্লছেনে সুবিধা লাভ কৰিছিল।

টাইব্ৰেকাৰ মেচত দুয়োজন খেলুৱৈয়ে ২৫-২৫ মিনিট সময় পায়। আৰু প্ৰতিটো মুভৰ পাছত খেলুৱৈৰ সময়ত ১০ ছেকেণ্ড যোগ কৰা হয়। যদি আমি বিশ্বকাপৰ এই ফাইনেলৰ প্ৰথম ২ খন খেলৰ কথা কওঁ, তেন্তে প্ৰথমখন খেল ২২ আগষ্টত অনুষ্ঠিত হৈছিল। ইয়াত প্ৰজ্ঞানন্দই এই মেচখন বগা আৰু কাৰ্লছেনে ক’লা ৰঙেৰে খেলিছিল, তাৰ পাছত ৩৫টা মুভৰ পাছত দুয়োজন খেলুৱৈয়ে হাত মিলাই মেচখন ড্ৰ’ত শেষ কৰিছিল।