ডিজিটেল ডেস্কঃ স্বাধীনতা দিৱসৰ দিনাই ভাৰতৰ জাতীয় পতাকাক অৱমাননা কৰাৰ গোচৰত চাৰি জন লোকক গ্ৰেপ্তাৰ কৰিছে আৰক্ষীয়ে। আৰক্ষীয়ে জাতীয় পতাকা পাৰি লৈ পুৱাৰ আহাৰ পৰিৱেশন কৰাৰ অভিযোগত লোক কেইজনক গ্ৰেপ্তাৰ কৰে।গ্ৰেপ্তাৰ হোৱা লোককেইজনৰ নাম হৈছে কুলদীপ কেচৰৱানী, তৈয়ব আনছাৰী, নানহে কুৰেছি আৰু সঞ্জয়।
এই চাৰিজন লোকৰ বিৰুদ্ধে প্ৰয়াগৰাজৰ হোলাগড় আৰক্ষী থানাত এটা গোচৰ ৰুজু কৰা হৈছিল। ইয়াৰ পিছতে আৰক্ষীয়ে লোক কেইজনৰ বিৰুদ্ধে ব্যৱস্থা গ্ৰহণ কৰে। এই ঘটনাটো স্বাধীনতা দিৱসৰ দিনা সংঘটিত হৈছিল। যেতিয়া সমগ্ৰ দেশে ভাৰতৰ ত্ৰিৰংগাক অভিবাদন জনাই আছিল,সেই সময়তে ছ'চিয়েল মিডিয়াত এখন ছবি প্ৰকাশ পাইছিল, য’ত কেইবাজনো লোকে টেবুলত জাতীয় পতাকা পাৰি খাদ্য গ্ৰহণ কৰা দেখা গৈছিল।
ভাইৰেল ছবিখনত স্বাধীনতা দিৱসৰ অনুষ্ঠানত পতাকা উত্তোলন কৰাৰ পিছত একাংশ লোকে ত্ৰিৰংগা পাৰি লৈ পুৱাৰ আহাৰ খোৱা দেখা গৈছিল। ছবিখন ভাইৰেল হোৱাৰ পিছত, সচেতন লোকে আৰক্ষী থানাত চাৰিজন লোকৰ নাম উল্লেখ কৰি অভিযোগ দাখিল কৰিছিল।
১৫ আগষ্টত হোলাগড় আৰক্ষী থানা অঞ্চলৰ অন্তৰ্গত দহিয়াৱান বজাৰত অৱস্থিত মাদ্ৰাছা গৌচিয়া ইছলামিয়া জিনতুল উলুমত স্বাধীনতা দিৱসৰ আয়োজন কৰা হৈছিল। এই সময়ছোৱাতে টেবুলত ত্ৰিৰংগা ৰাখি খাদ্য পৰিৱেশন কৰা হৈছিল। আৰক্ষীয়ে মাদ্ৰাছাৰ পৰিচালনা সমিতি আৰু অন্যান্য অভিযুক্তৰ বিৰুদ্ধে এটা গোচৰ ৰুজু কৰে।
Continue Reading
