--°C
Loading...
Listen to Article
2 min read
80%

In Short

  • পূর্বে জেনেৰেল বেডৰ ভাৰা ২০০ টকাৰ পৰিৱৰ্তে বর্তমান ১৫০০ টকালৈ বৃদ্ধি কৰা হৈছে। পঞ্জীয়ন মাচুল ১০০ টকাৰ পৰা একেকোবে হৈছেগৈ ৩৬০ টকা।

ডিজিটেল ডেস্ক : ৰাজ্যৰ দুখীয়া ৰোগীৰ একমাত্ৰ ভৰসা হৈ পৰা ৰাজ্যিক কর্কট প্রতিষ্ঠানে কোনো জাননী নিদিয়াকৈ হঠাৎ বৃদ্ধি কৰিছে প্রতিষ্ঠানটোত সকলো ধৰণৰ চিকিৎসা মাচুল। ইয়াকে লৈ সমগ্ৰ ৰাজ্যত ব্যাপক প্রতিক্ৰিয়াৰ সৃষ্টি হৈছে। চিকিৎসালয়খনে এনেদৰে কৰ্কট ৰোগীক কেঁকোৰো চেপা দিবলৈ লোৱা পদক্ষেপক সকলো পক্ষই গৰিহণা দিছে। সোমবাৰৰ পৰা আৰম্ভ হৈছে অভাৱনীয়ভাৱে মাচুল বৃদ্ধি; ফলত ৰোগীসকলৰ মাজত হাহাকাৰ লাগিছে।


পূর্বে জেনেৰেল বেডৰ ভাৰা ২০০ টকাৰ পৰিৱৰ্তে বর্তমান ১৫০০ টকালৈ বৃদ্ধি কৰা হৈছে। পঞ্জীয়ন মাচুল ১০০ টকাৰ পৰা একেকোবে হৈছেগৈ ৩৬০ টকা। এজনীয়া কেবিনৰ মাচুল ৩০০০ টকাৰ পৰা বৃদ্ধি কৰা হৈছে ৪৫০০ টকালৈ আৰু শ্বেয়াৰিং কেবিনৰ মাচুল ২০০০ৰ পৰা ৩০০০ টকা হৈছেগৈ। আই চি ইউৰ বৰ্ধিত মাচুলেও সাধাৰণ মানুহৰ চকু কপালত তুলিছে। পূর্বতে ১৫০০ টকা মাচুল দিব লগা হোৱা আই চি ইউত এতিয়া দৈনিক দিব লাগিব ৪০০০ টকাকৈ।


সেইদৰে তেজ পৰীক্ষাৰ মাচুল ১২০০ টকাৰ পৰা ২৪০০ টকালৈ, চিটি স্কেনৰ মাচুল ৪৫০০-ৰ পৰা ৬৫০০ টকালৈ বৃদ্ধি কৰা হৈছে। সকলো মাচুল ৩/৪ গুণ পর্যন্ত বৃদ্ধি কৰাৰ পাছতো ক্ষান্ত হোৱা নাই চিকিৎসালয় কর্তৃপক্ষ। ৰোগীক মাধমাৰ শোধাই কর্তৃপক্ষই এতিয়াৰে পৰা ৮টাতকৈ অধিক ব্যয়বহুল বিনামূলীয়া কেম' ৰোগীক দিয়া বন্ধ কৰিছে। তাৰ পৰিৱৰ্তে কৰ্কট ৰোগীসকলে ৫০ হাজাৰ টকাৰো অধিক মূল্যৰ কেম' নিজাববীয়াকৈ ক্ৰয় কৰি ৰোগীক দিব লাগিব। তাতোকৈ আশ্চর্যজনক কথা এয়ে যে এতিয়াৰ পৰা ৰোগী ভর্তি হোৱাৰ সময়তো আগধন হিচাপে আদায় দিব লাগিব ১০ হাজাৰ টকা। এনে অভাৱনীয় মাচুল বৃদ্ধিৰ সমৰ্থনত চিকিৎসালয়খনৰ কৰ্তৃপক্ষই কয় যে আগতে ৰাষ্ট্ৰীয় স্বাস্থ্য মিছনে কেম'ৰ ঔষধখিনি যোগান ধৰাৰ কাৰণে তেওঁলোকে ৰোগীক বিনামূলীয়াকৈ দিবলৈ সক্ষম হৈছিল।


এতিয়া চৰকাৰলৈ কৰ্তৃপক্ষই লিখিছে বুলি উল্লেখ কৰি কয় যে চৰকাৰে যদি পুনৰ যোগান ধৰে, তেনেহ'লে ৰোগীয়ে বিনামূলীয়াকৈ পাব। আছাম কেঞ্চাৰ কেয়াৰ ফাউণ্ডেশ্যনৰ অধীনত প্ৰতিষ্ঠা কৰা ৰাজ্যিক কর্কট প্রতিষ্ঠানে এতিয়া কৰ্কট ৰোগীক সকাহ দিয়াৰ পৰিৱৰ্তে এতিয়া বর্ধিত মাচুলেৰে ৰোগীক নতুন সংকটৰ গৰাহত পেলাবলৈহে সাজু হৈ উঠিছে। বিজেপিৰ অমৃত কালত কৰ্কট ৰোগীও ৰাজ্য চৰকাৰৰ উপাৰ্জনৰ উৎস হোৱা বিষয়টো এতিয়া ৰাজ্যত চৰ্চাৰ বিষয় হৈ পৰিছে।


উৎসঃ দৈনিক জনমভূমি



FOLLOW US F
POPULAR
FEATURE
TRENDY
মাজুলীৰ পৰ্যটন ক্ষেত্ৰখনক নতুন মাত্ৰা প্ৰদানৰ লক্ষ্য; আহি আছে দুমহলীয়া পর্যটক বাছ ‘পুষ্পক’
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী