টিংখাঙত দুই ভাতৃক দাৰে ঘপিয়াই হত্যাৰ চেষ্টা বিশ্বজিৎ ভূঞা নামৰ এজন যুৱকৰ

ডিজিটেল ডেস্কঃ  টিংখাঙত সংঘটিত হৈছে এক চাঞ্চল্যকৰ ঘটনা। দুই ভাতৃক দাৰে ঘপিয়াই হত্যাৰ চেষ্টা বিশ্বজিৎ ভূঞা নামৰ এজন যুৱকৰ। ডিব্ৰুগড় জিলাৰ টিংখাং আৰক্ষী থানাৰ অন্তৰ্গত পানীবুৰা গাঁৱত সংঘটিত হয় এই ঘটনা।

বুধবাৰে নিশা প্ৰায় দহ বজাত বিশ্বজিৎ ভূঞাই একে গাঁৱৰে ৰুবুল বৰুৱাৰ বাসগৃহৰ সন্মুখত আহি কিবা কথাত ৰুবুলৰ ককায়েক বুলবুল বৰুৱা সৈতে তৰ্কাতৰ্কিত লিপ্ত হয়।

সুৰাপান কৰি অহা বিশ্বজিৎ ভূঞাই পুনৰ নিজ গৃহলৈ গৈ এখন দা আনি বুলবুল বৰুৱাক আক্ৰমণ কৰে। সেই সময়তে সেই স্থানত উপস্থিত থকা ৰুবুল বৰুৱাই মোবাইলত ভিডিঅ' কৰি থকা দেখি ৰুবুলক দাৰে ঘপিয়াই পলায়ন কৰে । নিশাই টিংখাং আৰক্ষীক এই ঘটনাৰ কথা অৱগত কৰে বুলবুল বৰুৱাই ।

ইফালে চিকিৎসাধীন হ'ব লগা হয় দাৰ ঘাপত আহত ৰুবুল বৰুৱা । ডিঙিত ১২ টাকৈ চিলাই পৰে ৰুবুলৰ । ইয়াৰ পিছতে নিশাই বিশ্বজিৎ ভূঞাক বিচাৰি আৰক্ষীয়ে অভিযান চলাই যদিও বৰ্তমানেও পলাতক হৈ আছে বিশ্বজিৎ ভূঞা।