--°C
Loading...
Listen to Article
3 min read
80%

In Short

  • নৃত্যত অংশগ্ৰহণ কৰিব লগীয়া ১১ হাজাৰ শিল্পীৰ ভিতৰত ১০ হাজাৰ মহিলা নৃত্য শিল্পী আৰু এহেজাৰ হৈছে পুৰুষ বাদ্যশিল্পী। ৰা

ডিজিটেল ডেস্ক : বিহু আৰু ঝুমইৰৰ পাছত এইবাৰ বৃহৎ পৰিসৰত বাগৰুম্বা নৃত্যৰ আয়োজন কৰা হৈছে।


প্রধানমন্ত্রী নৰেন্দ্ৰ মোদীৰ উপস্থিতিত অহা নৱেম্বৰ মাহৰ শেষৰফালে ৰাজ্যৰ বিভিন্ন জিলাৰ ১১ হাজাৰ শিল্পীয়ে গুৱাহাটীৰ সৰুসজাই ষ্টেডিয়ামত বড়ো জনগোষ্ঠীৰ অন্যতম প্রধান লোকনৃত্য বাগৰুম্বা পৰিৱেশন কৰিব।


নৃত্যত অংশগ্ৰহণ কৰিব লগীয়া ১১ হাজাৰ শিল্পীৰ ভিতৰত ১০ হাজাৰ মহিলা নৃত্য শিল্পী আৰু এহেজাৰ হৈছে পুৰুষ বাদ্যশিল্পী। ৰাজ্যৰ সাংস্কৃতিক বিভাগৰ মন্ত্ৰী বিমল বড়াৰ সভাপতিত্বত জনতা ভৱনৰ মন্ত্ৰীৰ সভাকক্ষত শনিবাৰে অনুষ্ঠিত বিশেষজ্ঞ সমিতিৰ এখন বৈঠকত নৃত্যানুষ্ঠানটোৰ নাম 'বাগৰুম্বা দ'হৌ' হিচাপে নামকৰণৰ সিদ্ধান্ত লোৱা হয়।


এই সভাতে বিশেষজ্ঞ সমিতিয়ে নৃত্যানুষ্ঠানটোৰ বাবে প্ৰস্তুত কৰা সংগীতটিও (মিউজিক ট্রেক) অনুমোদন জনোৱাৰ লগতে নৃত্যানুষ্ঠানটি উপযুক্তধৰণে পৰিচালনাৰ বাবে কৰিঅ'গ্ৰাফাৰ নিযুক্তি তথা জিলাসমূহত ওজা প্রশিক্ষক বাছনি কৰাৰ বাবেও বিশেষজ্ঞ সমিতিক সভাই দায়িত্ব অর্পণ কৰে।


বড়ো জনগোষ্ঠীক প্রতিনিধিত্ব কৰা কেইবাটাও আগশাৰীৰ সংগঠন ক্রমে দুলাৰাই বড়ো হাৰিমু আফাদ, বড়ো সাহিত্য সভা, দুলাৰাই বাথৌ গৌথুম আদিৰ প্ৰতিনিধিৰ উপস্থিতিত সাংস্কৃতিক মন্ত্ৰী বড়াৰ লগতে সাংস্কৃতিক বিভাগৰ দায়িত্বত থকা অতিৰিক্ত মুখ্য সচিব ড° বি কল্যাণ চক্ৰৱৰ্তী, সাংস্কৃতিক মন্ত্ৰীৰ বিশেষ কৰ্তব্যৰত বিষয়া ৰাজীৱ থাপা, সাংস্কৃতিক সঞ্চালক ৰাহুল চন্দ্ৰ দাসৰ লগতে বিশেষজ্ঞ সমিতিয়ে সভাৰ আৰম্ভণিতে 'বাগৰুম্বা দ'হৌ'ৰ বাবে প্ৰস্তুত কৰা নৃত্যৰ নমুনা ভিডিঅ' এটি উপভোগ কৰে।


বিহু বিনন্দীয়া আৰু ঝুমইৰ বিনন্দিনীৰ আৰ্হিত বড়োসকলে বৈসাগু উৎসৱৰ সময়ত পৰিৱেশন কৰা বাগৰুম্বা নৃত্যক ৰাষ্ট্ৰীয় তথা আন্তঃৰাষ্ট্ৰীয় প্রেক্ষাপটত তুলি ধৰাৰ বাবে অসম চৰকাৰৰ পৃষ্ঠপোষকতাত আয়োজন কৰিবলৈ লোৱা এই বৃহৎ নৃত্যানুষ্ঠানটিৰ বাবে পুৰুষ আৰু মহিলা শিল্পীসকলৰ সাজপাৰ, আ-অলংকাৰ, লোকবাদ্য আদিৰ সন্দৰ্ভতো এই সভাতে বিশদভাৱে আলোচনা কৰা হয়।


উল্লেখযোগ্য যে অহা দুমাহৰ ভিতৰতে শিল্পী নির্বাচন, ওজা প্রশিক্ষকৰ নিৰ্বাচন আৰু প্ৰশিক্ষণ, বিধানসভা ভিত্তিক প্রশিক্ষণ আদি সম্পন্ন কৰা হ'ব।


উৎসঃ দৈনিক জনমভূমি




FOLLOW US F
POPULAR
FEATURE
TRENDY
মাজুলীৰ পৰ্যটন ক্ষেত্ৰখনক নতুন মাত্ৰা প্ৰদানৰ লক্ষ্য; আহি আছে দুমহলীয়া পর্যটক বাছ ‘পুষ্পক’
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী