ডিজিটেল ডেস্কঃ ''ব্ৰাহ্মণসকল ৰাছিয়াৰ পৰা আহিছিল। গতিকে তেওঁলোকক দেশৰ পৰা বাহিৰ কৰি দিব লাগে।’’- বিহাৰৰ আৰজেডি নেতা যদুবংশকুমাৰ যাদৱে এনে দাবী কৰে। ২৯ এপ্ৰিলত বিহাৰৰ চুপৌলত এখন ৰাজহুৱা সভাত তেওঁ এই নতুন তত্ত্ব দাঙি ধৰে। এই কথা মঙলবাৰে প্ৰকাশ কৰিছে এক সংবাদ সংস্থাই। ইয়াৰ পিছতে আৰম্ভ হৈছে তীব্ৰ বিতৰ্কৰ।
শনিবাৰে বৈঠকত যদুবংশে কয় যে, “যাদৱ সম্প্ৰদায় এই দেশৰ আদি বাসিন্দা। আজিৰ বিজ্ঞান ভিত্তিক পৃথিৱীত ডি এন এ টেষ্ট কৰা হয়। ডি এন এ টেষ্টত দেখা গ’ল যে ব্ৰাহ্মণসকলৰ কোনো এজনো এই দেশৰ আদিবাসী নহয়, তেওঁলোক ৰাছিয়া আৰু ইউৰোপৰ অন্যান্য দেশৰ পৰা আহিছিল। ব্ৰাহ্মণে আমাক বিভাজিত কৰি শাসন কৰিবলৈ চেষ্টা কৰিছে। তেওঁলোকক খেদি পঠিওৱা উচিত।”
যদুবংশৰ এই মন্তব্যৰ লগে লগে বিহাৰত আৰম্ভ হৈছে এক নতুন ৰাজনৈতিক চৰ্চা। কেৱল বিজেপিয়েই নহয়, বিহাৰত তেওঁলোকৰ মিত্ৰ জেডিইওয়েও আৰজেডি নেতাগৰাকীক সমালোচনা কৰিছে। জেডিইউৰ মুখপাত্ৰ অভিষেক ঝাই কয়, ‘পৰশুৰাম ৰাছিয়াৰ পৰা আহিছিল নে আন কোনো দেশৰ পৰা? এই নেতাসকলৰ বিৰুদ্ধে RJD-এ ব্যৱস্থা গ্ৰহণ কৰিব লাগে। এই সকলোবোৰ আজে বাজে মন্তব্য কৰি মহাগঠবন্ধনৰ ভাবমূৰ্তি কলংকিত কৰিছে আৰজেডিৰ নেতাসকলে।''
Continue Reading
