বাহুবলীৰ পাছত কিয় হৃদয় ভাগিল প্ৰভাসৰ? বিবাহৰ সিদ্ধান্তও কৰিলে নাকচ

বাহুবলীৰ দৃশ্যগ্ৰহণৰ সময়ত, প্ৰভাসে তেওঁৰ মাকক প্ৰতিশ্ৰুতি দিছিল যে বাহুবলীৰ শ্বুটিং শেষ হ’লে তেওঁ বিবাহৰ বিষয়ে চিন্তা কৰিব

ডিজিটেল ডেস্ক: 'বাহুবলী'ৰ খ্যাত অভিনেতা প্ৰভাসে ছবিখনৰ জৰিয়তে নিশাটোৰ ভিতৰতে সমগ্ৰ দেশৰ বাবে হৈ পৰিছিল এক উজ্জ্বল নক্ষত্ৰ৷ প্ৰভাসৰ প্ৰেমত পৰিছে বহুজন৷ কেৰিয়াৰৰ পৰা ব্যক্তিগত জীৱনলৈকে, তেওঁৰ বিষয়ে অনুৰাগীসকলৰ উত্তেজনাৰ কোনো অন্ত নাই। এতিয়া তেওঁৰ চাৰিওফালে আটাইতকৈ ডাঙৰ প্ৰশ্নটো হ’ল প্ৰভাসৰ বিয়া কেতিয়া হ’ব? অনুৰাগীসকলে জানিব বিচাৰে যে প্ৰভাসে কেতিয়া আৰু কাৰ সৈতে বিবাহপাশত আবদ্ধ হ’ব। বাহুবলীৰ পাছত প্ৰভাস আৰু অনুষ্কা চেট্টীৰ সম্পৰ্কৰ ওপৰতো মতপোষণ কৰিছিল। তেওঁলোকৰ সম্পৰ্কক লৈ উৰা বাতৰিও ওলাইছিল। শেহতীয়াকৈ 'ৰাধে শ্যাম'ৰ ট্ৰেইলাৰ মুকলি অনুষ্ঠানত, প্ৰভাসে প্ৰকাশ কৰিছিল যে অভিনেতাজনে বাহুবলীৰ সফলতাৰ পাছত বিবাহপাশত আবদ্ধ হোৱাৰ সিদ্ধান্ত লৈছিল। কিন্তু বাহুবলীৰ পাছত, অভিনেতাজনৰ হৃদয় ভাঙি গৈছিল। সেইকাৰণে প্ৰভাসৰ বিয়া হোৱা নাছিল। বাহুবলীৰ দৃশ্যগ্ৰহণৰ সময়ত তেওঁ মাকক প্ৰতিশ্ৰুতি দিছিল যে বাহুবলীৰ দৃশ্যগ্ৰহণ শেষ হোৱাৰ লগে লগে তেওঁ বিবাহৰ বিষয়ে চিন্তা কৰিব। কিন্তু অভিনেতাজনে কৈছিল যে তেওঁৰ বিবাহৰ বিষয়ে সদায় ঘৰত আলোচনা কৰা হয়। বহুকথাৰ মাজতে তেওঁৰ মাকে সদায় তেওঁৰ বিবাহৰ বিষয়ে ক'বলৈ আৰম্ভ কৰে। প্ৰভাসে কয়, 'এয়া স্বাভাৱিক যে প্ৰতিগৰাকী মাতৃয়ে বিচাৰে যে তেওঁৰ সন্তানে বিয়া কৰাওক আৰু এটা পৰিয়াল থাকক। নাতিৰ লগত খেলক। মোৰ মায়েও মোক বিবাহ পতাৰ বিষয়ে কৈছিল। মইও বিয়া কৰাব বিচাৰো, কিন্তু এই সকলোবোৰ সময়ৰ ওপৰত নিৰ্ভৰ কৰে।'