এইবাৰ নিষিদ্ধ গো-মাংস উদ্ধাৰ কামৰূপৰ মদন কামদেৱ দেৱালয়ৰ সমীপত

ডিজিটেল ডেস্কঃ  ৰাজ্যৰ বিভিন্ন প্ৰান্তত গো মাংস উদ্ধাৰ হৈ থকা ঘটনাকলৈ ৰাজ্যজুৰি তীব্র প্ৰতিক্ৰিয়া অব্যাহত আছে।

মুখ্যমন্ত্ৰীৰ নিৰ্দেশৰ পিছতে গো মাংসৰ বিৰুদ্ধে একছন মুডত অসম আৰক্ষী৷

এইবাৰ নিষিদ্ধ গো-মাংস উদ্ধাৰ হৈছে কামৰূপৰ মদন কামদেৱ দেৱালয়ৰ সমীপত।

ৰাষ্ট্ৰীয় বজৰং দলৰ অভিযানত বাইহাটা চাৰিআলিত বৃহৎ পৰিমাণৰ গো মাংস উদ্ধাৰ।

মাংস বেপাৰী মিন্টু আলীক ৰাষ্ট্ৰীয় বজৰং দলে মদন কামদেৱ দেৱালয়ৰ সমুখত ধৰি বাইহাটা আৰক্ষী থানাত গতাই দিয়ে।

জানিব পৰা অনুসৰি বহুদিনৰে পৰা মিন্টু আলীয়ে নিষিদ্ধ গো-মাংস বৃহত্তৰ বাইহাটা চাৰিআলি অঞ্চলত সৰবৰাহ কৰি আহিছিল।

জানি বুজি গো মাংসৰ তেজ মদন কামদেৱ দেৱালয়ৰ সমীপত পেলায় বুলি গো মাংস বেপাৰীৰ বিৰুদ্ধে অভিযোগ উত্থাপন হৈছে।

হিন্দু ধৰ্মত আঘাত হানিবলৈ এই নিকৃষ্ট কাম কৰাৰ অভিযোগ।

ইতিমধ্যে ৰাষ্ট্ৰীয় বজৰং দলে বাইহাটা চাৰিআলি আৰক্ষী চকীত এজাহাৰ দাখিল কৰিছে।

অৱশেষত এই সৰবৰাহকাৰীজন আৰক্ষীয়ে কৰায়ত্ত কৰি জেইল হাজোতলৈ প্ৰেৰণ কৰে।