ডিজিটেল ডেস্কঃ বানে সংহাৰৰ সৃষ্টি কৰিছে ব্ৰাজিলত৷বানপানীৰ ফলত আবদ্ধ হৈ পৰা লোকক উদ্ধাৰৰ প্ৰচেষ্টা আব্যাহত আছে৷ শ শ লোকে লোক এতিয়াও নাও বা হেলিকপ্টাৰ অহালৈ বাট চাই আছে৷ দেশ খনৰ অসামৰিক প্ৰতিৰক্ষা সংস্থাই কৈছে যে এতিয়ালৈকে বানত হোৱা মৃত্যুৰ সংখ্যা ৯০ লৈ বৃদ্ধি পাইছে ৷ আনহাতে ১৩১ জন লোক এতিয়াও সন্ধানহীন হৈ আছে৷
একেদৰে ১,৫৫,০০০ লোক গৃহহীন হৈ পৰিছে।যোৱা সপ্তাহত আৰম্ভ হোৱা ধাৰাসাৰ বৰষুণৰ ফলত ব্ৰাজিলৰ নদীবোৰওফন্দি উঠি বানপানীৰ সৃষ্টি কৰিছে৷ বহু ঠাইত ৰাস্তা আৰু দলং ধ্বংস হৈছে। ব্ৰাজিলৰ ৰাষ্ট্ৰীয় বতৰ বিজ্ঞান প্ৰতিষ্ঠানৰ (ইনমেট) গৱেষক মাৰ্চেলো স্নাইডাৰে কয় যে গোলকীয় উষ্ণতাৰ বাবেই এনে ঘটনা ঘটিছে৷ ব্ৰাজিলৰ ১.৩ নিযুত লোকে বাস কৰা চহৰ পোৰ্তো আলেগ্ৰেত, গুয়াইবা নদীয়ে সংহাৰৰ সৃষ্টি কৰিছে৷ চহৰ খন প্ৰায় সম্পূৰ্ণৰূপে পানীৰ তলত আছে৷
অসামৰিক প্ৰতিৰক্ষা বিভাগৰ মতে বানপানীৰ ফলত পানী আৰু বিদ্যুৎ সেৱাও প্ৰভাৱান্বিত হৈছে৷ পোৰ্তো আলেগ্ৰে আৰু কাষৰীয়া চহৰসমূহত প্ৰায় আধা নিযুত লোকে বিদ্যুৎ কৰ্তন কৰাৰ বাবে নিশা আন্ধাৰতে সময় অতিবাহিত কৰিবলগীয়া হৈছে৷ চহৰখনৰ বিমানবন্দৰো এতিয়া পানীৰ তলত৷ বহু বিমান এতিয়া পানীত ওপঙি থকা দেখিবলৈ পোৱা গৈছে৷
Continue Reading
