বাৰ্মিংহামত মই আমাৰ দেশক প্ৰতিনিধিত্ব কৰিব নোৱাৰিম! আৱেগিক প'ষ্ট লিখিলে নীৰজ চোপ্ৰাই

এই সন্দৰ্ভত নীৰজে অনুৰাগী আৰু শুভাকাংক্ষীসকলক উদ্দ্যেশি এক আৱেগিক প'ষ্ট লিখিছে। তেওঁ লিখিছে- ''সকলোকে নমস্কাৰ।আপোনালোকক অতি দুখেৰে জনাওঁ যে এইবাৰ মই কমনৱেলথ গেমছত অংশগ্ৰহণ কৰিব নোৱাৰিম। বিশ্ব চেম্পিয়নশ্বিপৰ চতুৰ্থটো থ্ৰ’ত পোৱা ষ্ট্ৰেইনৰ বাবে মই অলপ কষ্ট পাই আছিলো আৰু কালি ইয়াত আমেৰিকাত পৰীক্ষা কৰি দেখা গ’ল যে ই এটা সামান্য আঘাত, যাৰ বাবে মোক কিছু সপ্তাহৰ বাবে বিশ্ৰামৰ পৰামৰ্শ দিয়া হৈছে। মোৰ আফচোচ হৈছে যে বাৰ্মিংহামত মই আমাৰ দেশক প্ৰতিনিধিত্ব কৰিব নোৱাৰিম। এতিয়া মোৰ সম্পূৰ্ণ মনোযোগ মোৰ বিশ্ৰামৰ ওপৰত থাকিব যাতে অতি সোনকালেই পুনৰ খেলপথাৰত নমাৰ চেষ্টা কৰিব পাৰো। বিগত দিনত প্ৰতিজন দেশবাসীৰ পৰা যি মৰম আৰু শ্ৰদ্ধা লাভ কৰিছো তাৰ বাবে মই সকলোকে ধন্যবাদ জ্ঞাপন কৰিছো। আশাকৰোঁ আপোনালোক সকলোৱে একেদৰে মোৰ লগত থাকি আমাৰ দেশৰ সকলো খেলুৱৈক কমনৱেলথ গেমছত সমৰ্থন কৰি যাব। জয় হিন্দ।''

উল্লেখ্য যে নীৰজ চোপ্ৰাই টকিঅ’ অলিম্পিক ২০২১ত ৮৭.৫৮ মিটাৰ জেভলিন নিক্ষেপ কৰি সোণৰ পদক লাভ কৰি ইতিহাস সৃষ্টি কৰে। জেভেলিন থ্ৰ’ত সোণৰ পদক লাভ কৰা প্ৰথমজন এছিয়ান এথলীট নীৰজ চোপ্ৰা। নীৰজ চোপ্ৰাই ২০১৮ চনৰ কমনৱেলথ গেমছত স্বৰ্ণ পদক লাভ কৰিছিল। আমেৰিকা যুক্তৰাষ্ট্ৰৰ ইউজিন অনুষ্ঠিত বিশ্ব এথলেটিকছ চেম্পিয়নশ্বিপত ৰূপৰ পদক অৰ্জন কৰিছিল তাৰকা খেলুৱৈ গৰাকীয়ে।