বাংলাদেশৰ হিন্দু জাগৰণ মঞ্চৰ প্ৰতিবাদ; উত্থাপন কৰিছে ৮ দফীয়া দাবী

বাংলাদেশৰ অন্তৱৰ্তীকালীন চৰকাৰৰ এজন উপদেষ্টা শ্বাহবাগলৈ আহি দাবী পূৰণৰ আশ্বাস নিদিয়া পৰ্যন্ত শ্বাহবাগত প্ৰতিবাদী কাৰ্যসূচী চলি থাকিব বুলি সদৰি কৰিছে বাংলাদেশৰ হিন্দু জাগৰণ মঞ্চৰ সমন্বয়ক প্ৰদীপ কান্তি দেয়ে। শুকুৰবাৰে বিয়লি শ্বাহবাগ অৱৰোধ কাৰ্যসূচীত বাংলাদেশ হিন্দু পৰিষদৰ নেতৃত্বই এই কথা স্পষ্টৰূপে ঘোষণা কৰিছে।প্ৰদীপ কান্তি কয় যে ‘যদি চৰকাৰৰ কোনো উপদেষ্টা শ্বাহবাগলৈ আহি আমাৰ দাবী পূৰণৰ সন্দৰ্ভত কোনো আশ্বাস নিদিয়লৈ আমি শ্বাহবাগ এৰি নাযাওঁ।’ শ্বাহবাগ অৱৰোধ কৰি ‘তেজৰ বানে উটুৱাই নিব অন্যায়’, আদি শ্লোগানেৰে বাংলাদেশৰ পৰিবেশ উত্তাল কৰি তোলে প্ৰতিবাদকাৰীসকলে।

বাংলাদেশ হিন্দু পৰিষদে সংখ্যালঘুৰ ওপৰত চলি থকা নিৰ্যাতন শীঘ্ৰে অন্ত পেলোৱা, ভুক্তভোগীক উপযুক্ত ক্ষতিপূৰণ নিশ্চিত কৰা  সংসদত সংখ্যালঘুৰ প্ৰতিনিধিত্ব নিশ্চিত কৰি পৃথক নিৰ্বাচন ব্যৱস্থা পুনৰ প্ৰৱৰ্তন কৰা, সংখ্যালঘুৰ নিৰাপত্তা নিশ্চিত কৰিবলৈ ক্ষিপ্ৰ বিচাৰ ন্যায়াধিকৰণ আৰু সংখ্যালঘু পৰিক্ৰমা মন্ত্ৰালয় গঠন। হিন্দু কল্যাণ ট্ৰাষ্টৰ ফাউণ্ডেশ্যনলৈ ৰূপান্তৰ কৰা। সংখ্যালঘুৰ সুৰক্ষাৰ বাবে আইন প্ৰণয়ন কৰা। লগতে সকলো বেদখল কৰা সম্পত্তি আৰু মৃতকক ন্যস্ত সম্পত্তি আইন বাতিলকে ধৰি সঠিক মালিকৰ হাতত গতাই দিয়া। প্ৰতিখন ৰাজহুৱা বিশ্ববিদ্যালয়ে সংখ্যালঘুৰ বাবে পূজাগৃহ আৰু পৃথক হোষ্টেল নিৰ্মাণ কৰাৰ লগতে শৰৎকালীন দুৰ্গা পূজাত ৩ দিনীয়া চৰকাৰী বন্ধ ঘোষণা কৰিবলৈও দাবী উত্থাপন কৰে।