বাংলাদেশত ভয়ংকৰ বিমান দুৰ্ঘটনা !

ডিজিটেল ডেস্কঃ আজি বিয়লি বাংলাদেশত ১বাজি ৬ মিনিটত সংঘটিত হৈছে এক ভয়ংকৰ বিমান দুৰ্ঘটনা। এই দুৰ্ঘটনাত এতিয়ালৈকে এজন লোকৰ মৃত্যু হোৱাৰ লগতে আন ১০০ জন অতি গুৰুতৰভাৱে আহত হৈছে।

জানিব পৰা মতে বাংলাদেশ বায়ুসেনাৰ এখন বিমান ঢাকাৰ উত্তৰাৰ মাইলষ্টোন স্কুলত খুন্দা মাৰে বিমানখনে। বিদ্যালয়ৰ গেট ভাঙি শ্ৰেণীকোঠাত খুন্দা মৰাৰ ফলতে এই দুৰ্ঘটনাটো সংঘটিত হয়। এই দুৰ্ঘটনাত বিদ্যালয়খনৰ কাষতে থকা এখন কলেজৰো বিস্তৰ ক্ষতিসাধন হৈছে।

ঘটনাৰ পিছতে ততাতৈয়াকৈ উপস্থিত হয় উদ্ধাৰকাৰী দল । উদ্ধাৰ কাৰ্যৰ অন্তত ১৩ জন লোকক হস্পিটেলত ভৰ্তি কৰোৱা হৈছে। এই ঘটনাত অগ্নিদগ্ধ হৈ আহত হোৱা অধিকাংশই হৈছে বিদ্যালয়খনৰ শিক্ষাৰ্থী। চিকিৎসালয়ৰ সূত্ৰ অনুসৰি সংকটজনক অৱস্থাত ভৰ্তি কৰা অধিকাংশই ছাত্ৰ-ছাত্ৰী।

অৱশ্যে এতিয়ালৈকে এই ঘটনাত প্ৰকৃততে কিমানজন আহত হৈছে তাৰ সঠিক খবৰ লাভ কৰা নাই। বাংলাদেশৰ অন্তৰ্ৱৰ্তীকালীন চৰকাৰৰ মুখ্য উপদেষ্টা মহম্মদ ইউনুছে এই ঘটনাক লৈ শোক প্ৰকাশ কৰে। বাংলাদেশ বায়ুসেনাই জনোৱা মতে দুৰ্ঘটনাগ্ৰস্ত বিমানখন এফ-৭।এই বিমানখন প্ৰশিক্ষণৰ বাবে ব্যৱহাৰ কৰা হৈছিল।

উৎসঃ দৈনিক জনমভূমি