ডিজিটেল ডেস্কঃ বাটাৰ চিকেন আৰু দাল মাখানীৰ নাম শুনিলেই মুখলৈ পানী আহে। এই ব্যঞ্জন দুবিধ ভাৰতত অতি জনপ্ৰিয়। কিন্তু এই ব্যঞ্জন দুবিধ কোনে প্ৰথমে বনাইছিল তাকে লৈ দিল্লীৰ দুখন ৰেস্তোৰাঁৰ মাজত সৃষ্টি হৈছে কাজিয়াৰ। এই কাজিয়া ইমানেই বাঢ়ি গৈছে যে বিষয়টো গৈ উচ্চ ন্যায়ালয়ত উপনীত হৈছে। এই কাজিয়া হৈছে মতী মহল আৰু দৰয়াগঞ্জ ৰেস্তোৰাঁৰ মাজত।
দৰাচলতে মতী মহল নামৰ ৰেস্তোৰাঁৰ মালিকে বাটাৰ চিকেনৰ উৎপত্তিৰ সন্দৰ্ভত এক সাক্ষাৎকাৰত কৰা কথিত অপমানজনক মন্তব্যৰ বিৰুদ্ধে দৰয়াগঞ্জ দিল্লী উচ্চ ন্যায়ালয়ৰ কাষ চাপিছে।
বাটাৰ চিকেন আৰু দাল মাখানী প্ৰথমে বনাইছিল বুলি মতি মহল আৰু দৰয়াগঞ্জ দুয়োখন ৰেস্তোৰাঁই দাবী কৰি আহিছে। মতি মহলৰ স্বত্বাধিকাৰীয়ে তেওঁৰ পূৰ্বৰ প্ৰয়াত কুন্দন লাল গুজৰালে বাটাৰ চিকেন আৰু দাল মাখানী আৱিষ্কাৰ কৰা বুলি দাবী কৰি মামলা দাখিল কৰাৰ বিপৰীতে দৰয়াগঞ্জয়েও আদালতত মামলা দাখিল কৰিছে।
বছৰ বছৰ ধৰি দুয়োখন ৰেস্তোৰাঁই বাটাৰ চিকেন আৰু দাল মাখানী আৱিষ্কাৰ কৰা বুলি দাবী কৰি আহিছে। চলিত বৰ্ষৰ আৰম্ভণিতে মতি মহলে দৰয়াগঞ্জৰ বিৰুদ্ধে আপত্তি দৰ্শাই দুয়োবিধ ব্যঞ্জনৰ ক্ৰেডিট লোৱাৰ লগতে মালিকীস্বত্ব দাবী কৰিছিল। দৰিয়াগঞ্জ ৰেস্তোৰাঁই এই কথা কোনোপধ্য মানি লোৱা নাই। সেয়েহে দুয়োখন ৰেস্তোৰাঁ এতিয়া আদালতৰ দাৰস্থ হৈছে। দেখা যাওক আদালতে কি ৰায় দিয়ে...
Continue Reading
