ডিজিটেল ডেস্কঃ প্ৰিয়ংকা চোপ্ৰা আৰু নিক জোনাছে কন্যা মালতী মেৰী চোপ্ৰা জোনাছক জন্মৰ প্ৰায় এবছৰ ধৰি লোকচক্ষুৰ পৰা লুকুৱাই ৰাখিছিল। চেৰ’গেচিৰ জৰিয়তে নিক-প্ৰিয়ংকাৰ কন্যা সন্তান জন্ম হৈছিল। জন্মৰ ১০০ দিনৰ পিছত বিভিন্ন জটিলতাৰ সৈতে যুঁজি মালতী জয়ী হয়।
শেহতীয়াকৈ প্ৰিয়ংকাই কন্যাৰ সৈতে প্ৰথমবাৰৰ বাবে নিজৰ দেশলৈ আহিছিল। তেওঁ কন্যা আৰু স্বামীৰ সৈতে বিমানবন্দৰত ফটোগ্ৰাফাৰৰ বাবে পোজ দিছিল। সকলোৱে ক’বলৈ ধৰিলে যে ছোৱালীজনী ঠিক তাইৰ দেউতাকৰ দৰেই।
শেহতীয়াকৈ এক সাক্ষাৎকাৰত অভিনেত্ৰীগৰাকীয়ে কন্যা মালতীৰ খাদ্যাভ্যাসৰ বিষয়ে আমোদজনক তথ্য আগবঢ়ায়। মাত্ৰ ১ বছৰ সম্পূৰ্ণ কৰা এগৰাকী মালতী ভাৰতীয় খাদ্যৰ অনুৰাগী। কণমানি মালতীৰ প্ৰিয় খাদ্য হ’ল পটল, পানীৰ আৰু বিৰিয়ানী। প্ৰিয়ংকাৰ ভাষাত "ছোৱালীজনী খোৱাৰ ক্ষেত্ৰত বিশুদ্ধ চোপ্ৰা, তাই সুস্বাদু খাদ্য বৰ ভাল পায়।"
এই মুহূৰ্তত প্ৰিয়ংকা ব্যস্ত ‘চিটাডেল’ৰ প্ৰচাৰত। এই ধাৰাবাহিকখন এপ্ৰিল মাহত মুক্তি পাব। কিন্তু ভাৰতলৈ ঘূৰি অহাৰ আচল কাৰণ কেৱল তেওঁৰ নিজৰ ধাৰাবাহিকখনৰ প্ৰচাৰেই নহয়। ইয়াৰ আঁৰৰ কাৰণ হিচাপে বহুতে অনুমান কৰিছে যে পৰিনীতি চোপ্ৰা আৰু ৰাঘৱ চাধা ‘ৰোকা’ অনুষ্ঠান অৰ্থাৎ এংগেজমেণ্ট।
Continue Reading
