ডিজিটেল ডেস্কঃ ইনষ্টাগ্ৰামত এটা পোষ্টৰ বাবে বিৰাট কোহলীয়ে কিমান টকা লয়? ১৪ কোটি টকা। ব’ৰ্ডৰ সৈতে বিৰাটৰ বাৰ্ষিক চুক্তি ৭ কোটি টকা। অৰ্থাৎ ভাৰতৰ হৈ ক্ৰিকেট খেলি বাৰ্ষিক টকাৰ দুগুণ টকা উপাৰ্জন কৰে মাত্ৰ এটা ইনষ্টাগ্ৰাম পোষ্টৰ পৰা।
ইনষ্টাগ্ৰামত ফটো আৰু ভিডিঅ’ পোষ্ট কৰিব পাৰি। বহু এজেন্সীয়ে চেলিব্ৰিটিৰ সৈতে চুক্তিবদ্ধ হৈ ইনষ্টাগ্ৰামত নিজৰ বিজ্ঞাপন পোষ্ট কৰে। তেনে এটা পষ্টৰ বাবে বিৰাটে ১৪ কোটি টকা লয়।
সমগ্ৰ বিশ্বতে এই তালিকাৰ শীৰ্ষত আছে ক্রিষ্টিয়ানো ৰোনাল্ডো। দ্বিতীয় স্থানত আছে লিয়নেল মেছি। এটা পষ্টৰ বাবে ভাৰতীয় মুদ্ৰাত ২৬ কোটি ৭৫ লাখ টকা লয় ৰোনাল্ডোৱে। মেছিয়ে লয় ২১ কোটি ৪৯ লাখ টকা।
এই তালিকাৰ শীৰ্ষ ২০ ৰ ভিতৰত বিৰাট একমাত্ৰ ভাৰতীয়। ইনষ্টাগ্ৰামত তেওঁৰ ২৫৬ মিলিয়নতকৈ অধিক ফ’ল’ৱাৰ আছে। বিৰাটৰ পিছত প্ৰিয়ংকা চোপ্ৰা ভাৰতীয়ৰ ভিতৰত ইনষ্টাগ্ৰামৰ পৰা সৰ্বাধিক উপাৰ্জনকাৰী। তেওঁ ৪ কোটি ৪০ লাখ টকা লাভ কৰে।
Continue Reading
