ডিজিটেল ডেস্কঃ জাৰ্মানীৰ বায়াৰ্ন মিউনিখত যোগদান কৰিলে হেৰী কেনে। টটেনহাম হটস্পাৰৰ পৰা শুকুৰবাৰে বিদায় লয় ইংৰাজী অধিনায়কগৰাকীয়ে। বেয়াৰ্নত যোগদানৰ পাছতে জাৰ্মানীলৈ যায় হেৰী। চাৰি বছৰৰ বাবে চুক্তিবদ্ধ হৈছে তেওঁ।
ভাৰতীয় মুদ্ৰাত (১০ কোটি ইউৰো) ৯১০ কোটি টকাত টটেনহাম এৰি হেৰী কেনে বেয়াৰ্নলৈ যায়। ইয়াৰ উপৰিও অতিৰিক্ত ৮২ কোটি টকা আদায় দিয়াৰ সম্ভাৱনা আছে। ২০০৪ চনত হেৰী কেনে ফুটবল শিকিবলৈ টটেনহামত যোগদান কৰে।
ক্লাব এৰি যোৱাৰ পিছত তেওঁ কয়- ''প্ৰায় ২০ বছৰ ধৰি যিটো ক্লাবৰ লগত আছো, সেই ক্লাব এৰি যোৱাটো সহজ নহয়। ১১ বছৰীয়া ল’ৰা এটাৰ পৰাই সেই ক্লাবে মোক ৩০ বছৰীয়া যুৱক কৰি তুলিছে।”
৩০ বছৰীয়া হেৰী কেনে ২০০৯ চনত টটেনহামৰ ছিনিয়ৰ দলত যোগদান কৰে। যোৱা ১৪ বছৰ ধৰি ইংৰাজী ক্লাবত যোগদান কৰি আহিছে। ইয়াৰ মাজতে লেটন অৰিয়েণ্ট (২০১১), মিলৱাল (২০১২), নৰ্উইক চিটি (২০১২–১৩) আৰু লেষ্টাৰ চিটি (২০১৩)লৈ ঋণত গৈছিল। ২০১৫ চনত ইংলেণ্ডৰ হৈ অভিষেক ঘটায় হেৰী কেনে। দেশৰ জাৰ্চি পিন্ধি তেওঁ ৮৪খন খেল খেলিছিল। তেওঁ দলটোক কাটাৰত অনুষ্ঠিত বিশ্বকাপলৈও নেতৃত্ব দিয়ে।
Continue Reading
