বিজেপিয়ে ভাবুকি কঢ়িয়াইছে ভাৰতৰ যুক্তৰাষ্ট্ৰীয় ব্যৱস্থালৈ: তামিলনাডুৰ মুখ্যমন্ত্ৰী ষ্টেলিনৰ স্পষ্ট

ডিজিটেল ডেস্ক: তামিলনাডুৰ মুখ্যমন্ত্ৰী এম কে ষ্টেলিনে বিজেপিৰ ‘এক ৰাষ্ট্ৰ এক পঞ্জীয়ন’ নীতিৰ বিৰোধিতা কৰিছে৷ বিজেপিয়ে যুক্তৰাষ্ট্ৰীয় ব্যৱস্থাৰ প্ৰতি ভাবুকি সৃষ্টি কৰিছে বুলি উল্লেখ কৰি মুখ্যমন্ত্ৰীগৰাকীয়ে কালি কেন্দ্ৰৰ বিজেপি নেতৃত্বাধীন চৰকাৰখনক ৰাষ্ট্ৰৰ ওপৰত কেন্দ্ৰৰ সিদ্ধান্ত আৰু কাৰ্যসূচীক জাপি দিয়া বুলি মন্তব্য কৰে৷ ষ্টেলিনে বিজেপি নেতৃত্বাধীন কেন্দ্ৰীয় চৰকাৰৰ ‘এক ৰাষ্ট্ৰ-এক পঞ্জীয়ন’ পদক্ষেপটোক ভাৰতৰ যুক্তৰাষ্ট্ৰীয় ব্যৱস্থাৰ প্ৰতি ভাবুকি বুলি মন্তব্য কৰিছে৷ শেহতীয়াকৈ কেন্দ্ৰীয় বিত্ত মন্ত্ৰী নিৰ্মলা সীতাৰমণে ঘোষণা কৰা কেন্দ্ৰৰ ‘এক ৰাষ্ট্ৰ-এক পঞ্জীয়ন’ পদক্ষেপৰ বিৰোধিতা কৰি মুখ্যমন্ত্ৰী ষ্টেলিনে কয় যে, নতুন শিক্ষানীতি আৰু ‘এক ৰাষ্ট্ৰ-এক দেশ’ শ্ল’গানৰ দৰে এই শেহতীয়া পদক্ষেপটো দেশক একক ৰাজ্যলৈ পৰিণত কৰাৰ প্ৰয়াসৰ বাহিৰে আন একো নহয়। ইয়াৰ ফলত জনসাধাৰণ উপকৃত নহ’ব। সেয়েহে আমি ভাৰতৰ বিকাশৰ বাবে ৰাজ্যিক স্বায়ত্ত শাসনৰ হকে কাম কৰি আছোঁ বুলি তেওঁ মন্তব্য কৰে৷ তিৰুপ্পুৰত এক ভাৰ্চুৱেল নিৰ্বাচনী জনসভাত ভাষণ দি ষ্টেলিনে কয় যে তেওঁ সমগ্ৰ ভাৰততে শুনা কেন্দ্ৰত ৰাজ্যিক স্বায়ত্তশাসন আৰু ফেডাৰেলিজমৰ ওপৰত এই শ্ল’গান দিব। ভাষণ প্ৰসংগত তেওঁ কয়, সামাজিক ন্যায় আৰু ৰাজ্যৰ স্বায়ত্তশাসন হৈছে দ্ৰাবিড় আন্দোলনে এই দেশক দিয়া মহান মতাদৰ্শ। মই সমগ্ৰ দেশতে সামাজিক ন্যায় ৰক্ষা ৰখাৰ কামত নিজকে আত্মনিয়োগ কৰিছোঁ৷ তেওঁ ইতিমধ্যে ৫০ গৰাকীতকৈও তকৈও অধিক নেতাক ফেডাৰেচনৰ অংশ হ’বলৈ পত্ৰ লিখিছিল আৰু কংগ্ৰেছ আৰু বহুতো ৰাজ্যিক সংগঠনকে ধৰি কেইবাটাও ৰাজনৈতিক দলে এই উদ্যোগত অংশগ্ৰহণ কৰিবলৈ ইচ্ছা প্ৰকাশ কৰিছে বুলি তেওঁ জানিবলৈ দিয়ে৷ ষ্টেলিনে লগতে কয়, কেন্দ্ৰীয় চৰকাৰে ৰাষ্ট্ৰৰ যুক্তৰাষ্ট্ৰীয় চেতনা অনুসৰি কাম কৰিব লাগিব আৰু ৰাজ্যসমূহক শক্তিশালী কৰিব লাগিব। ষ্টেলিনে লগতে কয়, যুক্তৰাষ্ট্ৰীয় ব্যৱস্থা আজি ভাবুকিৰ সন্মুখীন হৈছে, কিয়নো বিজেপি নেতৃত্বাধীন চৰকাৰে ৰাজ্যসমূহৰ সকলো ক্ষমতা কাঢ়ি নি এককেন্দ্ৰিক পৰিৱেশৰ সৃষ্টি কৰিব বিচাৰিছে৷