ডিজিটেল ডেস্কঃমডেল তানিয়া সিঙৰ আত্মহত্যাৰ ঘটনাই জোকাৰি গৈছে মডেল উদ্যোগৰ সকলোকে৷ ইয়াৰ মাজতে ইণ্ডিয়ান প্ৰিমিয়াৰ লীগত (আই পি এল) ছানৰাইজাৰ্ছ হায়দৰাবাদ (এছআৰএইচ)ৰ খেলুৱৈ অভিষেক শৰ্মাৰ নাম মডেলগৰাকীৰ আত্মহত্যাৰ সৈতে সাঙোৰ খাই পৰাৰ ঘটনাই ৰহস্যৰ সৃষ্টি কৰিছে৷ চুৰাটৰ এগৰাকী বিখ্যাত মডেল তানিয়া সিঙৰ আত্মহত্যাৰ পিছত ক্ৰিকেটাৰ শৰ্মাক স্থানীয় আৰক্ষীয়ে সোধা-পোছাৰ বাবে মাতি পঠিয়াইছে। তানিয়াৰ আত্মহত্যাৰ পিছত আৰক্ষীয়ে চুৰাটত এই বিষয়ে তদন্ত আৰম্ভ কৰিছে। অনুসন্ধানত এই কথা পোহৰলৈ আহিছে ক্ৰিকেটাৰ অভিষেক আৰু মডেল তানিয়া সিঙৰ সৈতে প্ৰেমৰ সম্পৰ্ক আছিল। তানিয়াই তেওঁৰ জীৱনৰ শেষ ফোনটো ক্ৰিকেটাৰ শৰ্মাকে কৰিছিল৷
২৮ বছৰীয়া তানিয়াই ফেশ্বন ডিজাইনিং আৰু মডেলিঙৰ ক্ষেত্ৰ খনত কাম কৰিছিল। মডেলগৰাকীৰ ইনষ্টাগ্ৰামত ১০,০০০ ৰো অধিক অনুসৰণকাৰী আছে।
দৰাচলতে, মডেল তানিয়াই ২০ ফেব্ৰুৱাৰীত তেওঁৰ ঘৰলৈ উভতি অহাৰ পিছতে চৰম সিদ্ধান্তটো লৈছিল৷ প্ৰেমজনিত কোনো সংঘাতৰ বাবেই তানিয়াই আত্মহত্যা কৰিলে নেকি সেই বিষয়ত আৰক্ষীয়ে তদন্ত চলাই আছে৷
অভিষেক শৰ্মাই বৰ্তমান আই পি এলত ছানৰাইজাৰ্ছ হায়দৰাবাদৰ হৈ খেলি আছে। তেওঁ এজন অলৰাউণ্ডাৰ। তেওঁ আই পি এলৰ ৪৭ খন খেলত ১৩৭.৩৮ ৰ ষ্ট্ৰাইক ৰেটত ৮৯৩ ৰাণ সংগ্ৰহ কৰিছে। তেওঁৰ সৰ্বোচ্চ স্ক'ৰ হৈছে ৭৫ ৰাণ। আই পি এলত তেওঁ এতিয়ালৈকে ৪ টা অৰ্ধ-শতক অৰ্জন কৰিছে আৰু ৯ টা উইকেট দখল কৰিছে। অভিষেকক ছানৰাইজাৰ্ছ হায়দৰাবাদে ২০২২ চনৰ আই পি এলৰ নিলামত ৬.৫ কোটি টকাত ক্ৰয় কৰিছিল।
Continue Reading
