ডিজিটেল ডেস্কঃ শচীন তেণ্ডুলকাৰ মানেই ক্ৰিকেটপ্ৰেমীৰ মাজত এক শিহৰণ।ক্ৰিকেটত প্ৰতিষ্ঠিত নাম হোৱাৰে পৰা খেলপথাৰত ভৰি দিয়াৰ লগে লগে শচীন তেণ্ডুলকাৰক সম্পূৰ্ণ উৎসাহেৰে ক্ৰীড়াপ্ৰেমীয়ে আদৰি লৈছিল। শেহতীয়াকৈ এটা ভিডিঅ’ ভাইৰেল হৈছে, য’ত অনুৰাগীয়ে শচীনৰ নামত শ্ল’গান দিয়া দেখা গৈছে। ভিডিঅ’টোত দেখা গৈছে যে শচীনে ফ্লাইট গেটৰ পৰা প্ৰবেশ কৰিছে, একে সময়তে অনুৰাগীয়ে ক্ৰিকেটাৰজনৰ নামত শ্ল’গান দিবলৈ আৰম্ভ কৰে।অনুৰাগীৰ মৰম আৰু শ্ৰদ্ধা দেখি শচীনে ৰাইজক ধন্যবাদ জনাই সকলোৰে শুভেচ্ছা গ্ৰহণ কৰি কৰমৰ্দন কৰে।
উল্লেখযোগ্য যে শচীন তেণ্ডুলকাৰে শেহতীয়াকৈ প্ৰথমবাৰৰ বাবে কাশ্মীৰ ভ্ৰমণ কৰি প্ৰকৃতিৰ কোলাত কিছু সময় কটায়। তাতে শচীনে শ্ৰীনগৰ-জম্মু ঘাইপথৰ চৰছুৰ এটা নিৰ্মাণ কাৰখানাত ৰৈ শ্ৰমিকৰ লগত কথা পাতে। তেণ্ডুলকাৰে নিজৰ ছ’চিয়েল মিডিয়া একাউণ্টত পৰিয়ালৰ সৈতে এই ভ্ৰমণৰ এটা ভিডিঅ’ শ্বেয়াৰ কৰিছিল।
স্মৰ্তব্য যে শচীন টেণ্ডুলকাৰে ক্ৰিকেট কেৰিয়াৰত ৩৪,৩২৭ ৰাণ সংগ্ৰহ কৰিছে। এই সময়ছোৱাত মুঠ ৬৬৪খন মেচ অনুষ্ঠিত হৈছে য’ত ২০০খন টেষ্ট মেচ, ৪৬৩খন এদিনীয়া আৰু এখন টি-২০ মেচ অন্তৰ্ভুক্ত। ক্ৰিকেটৰ ইতিহাসত শতক অৰ্জন কৰা প্ৰথমজন বেটছমেন তেণ্ডুলকাৰ। শচীনে ৫১টা টেষ্ট আৰু ৪৯টা এদিনীয়া শতক অৰ্জন কৰিছে।
Continue Reading
