ডিজিটেল ডেস্কঃ এজন যুৱকে অনলাইনত লগ পোৱা প্ৰেমিকাক লগ কৰিবলৈ গৈছিল। ঠাইখন বাছি লোৱাৰ দায়িত্ব প্ৰেমিকাৰ আছিল। প্ৰেমিকাগৰাকীয়ে তেনেকৈয়ে এখন বিলাসী ৰেষ্টুৰেণ্ট বাছি লৈছিল। তাত বিভিন্ন ধৰণৰ সাগৰীয় খাদ্য আৰু পানীয় খোৱাৰ পিছত তেওঁলোকৰ পৰা প্ৰায় ২১ হাজাৰ টকীয়া বিল লোৱা হৈছিল।
বিল পৰিশোধ কৰাৰ পিছত যুৱকজনে প্ৰেমিকাক নিজৰ ঘৰৰ বিদ্যুতৰ বিল পৰিশোধ কৰিবলৈ কয়। সম্পৰ্কটোত জুই জ্বলাবলৈ সেয়াই যথেষ্ট।
আমেৰিকাৰ পেনচিলভেনিয়াৰ বাসিন্দা কেন্দ্ৰা ৰক্সবেৰীয়ে কয় যে তেওঁলোকে কিছুমান বিশেষ “বিদেশী” সাগৰীয় খাদ্যৰ অৰ্ডাৰ দিছিল। কিন্তু এনে খাদ্যৰ মূল্যৰ বিষয়ে অৱগত নোহোৱা তেওঁৰ সংগীয়ে একেবাৰেই বুজি নাপালে। বিল পৰিশোধ কৰাৰ পিছত তেওঁৰ সংগীয়ে ঘৰৰ বিদ্যুতৰ বিলৰ বাবে প্ৰায় ৩১ হাজাৰ টকা বিচাৰি বহিব, সেয়াও একপ্ৰকাৰ অকল্পনীয়।
তেওঁ কয়, "ৰেষ্টুৰেণ্টৰ পৰা উভতি অহাৰ পিছত মোৰ ফোনত এটা মেছেজ আহিল। তাতে মোক তেওঁৰ ঘৰৰ বিদ্যুতৰ বিলৰ বাবে ৩১ হাজাৰ টকা দিবলৈ কোৱা হৈছিল। লগে লগে মই এই সম্পৰ্কৰ পৰা ওলাই অহাৰ সিদ্ধান্ত লওঁ।”
Continue Reading
