ডিজিটেল ডেস্কঃ বিহাৰৰ ৰাজধানী পাটনাত পৰৱৰ্তী লোকসভা নিৰ্বাচন সন্দৰ্ভত বিৰোধী দলসমূহৰ এক গুৰুত্বপূৰ্ণ কৌশলগত বৈঠক অনুষ্ঠিত হৈছে। বিশ্বাসযোগ্য সূত্ৰই এটা ৰাষ্ট্ৰীয় সংবাদ মাধ্যমক জনোৱা মতে, ২০২৪ চনত বিৰোধী দলসমূহক একত্ৰিত কৰাৰ দায়িত্ব নীতিশ কুমাৰৰ হাতত অৰ্পণ কৰাৰ কথাত সকলো বিৰোধী দল সন্মত হৈছে। সূত্ৰ অনুসৰি নীতিশ কুমাৰক বিৰোধী ঐক্যৰ সমন্বয়ক হিচাপে নিযুক্তি দিয়া হ’ব।
নীতিশ কুমাৰে ৮ বাৰ ৰাজ্যৰ মুখ্যমন্ত্ৰী হিচাপে কাৰ্যনিৰ্বাহ কৰাৰ লগতে এন ডি এৰ সৈতে মিত্ৰতা কৰি থকাৰ অভিজ্ঞতাও বহুত, তেখেত পূৰ্বৰ কেন্দ্ৰীয় চৰকাৰৰ ৰে’ল মন্ত্ৰীও। ইয়াৰ লগতে তেওঁ সকলো বিৰোধী দলৰ মাজত এক সাৰ্বজনীন, আৰু নিৰ্বিবাদ মুখ, যাৰ ওপৰত আত্মীয়তা আৰু দুৰ্নীতিৰ কোনো অভিযোগ নাই।
এফালে য’ত বিৰোধী দলসমূহে পাটনাত গোট খাই বিৰোধী ঐক্যৰ কথা কৈছে, আনফালে এই একতা ভাঙি যোৱা দেখা গৈছে। তেলেংগানাৰ বি আৰ এছ দলৰ নেতা টি আৰ ৰামা ৰাৱে সংবাদ মাধ্যমৰ সৈতে কথা পাতিছে। তেওঁ কয়, নীতিশ এজন ভাল নেতা কিন্তু কংগ্ৰেছৰ সৈতে এখন মঞ্চ ভাগ কৰাত আমি আৰামদায়ক নহয়। তেওঁ কয়, যিখন সভাত কংগ্ৰেছ উপস্থিত থাকে আমি মানি ল’ব নোৱাৰো। কংগ্ৰেছ উপস্থিত থকা সভাত আমি থাকিব নোৱাৰো।
Continue Reading
